Qandastar mártebesi

1997 jyldyń 13 jeltoqsandaǵy Qazaqstan Respýblıkasynyń “Halyqtyń kóshi-qony týraly” Zańynyń 14 babyna sáıkes qandas mártebesi basqa elderden kóship kelýshilerge beriledi.

Qandastar — Qazaqstan Respýblıkasy egemendik alǵan kezde onyń shetinen tys jerlerde turaqty turǵan jáne Qazaqstanǵa turaqty turý maqsatymen kelgen ulty qazaq sheteldikter nemese azamattyǵy joq adamdar.

Adamdardyń qandastar dep taný týraly ótinishin otbasynyń kámeletke tolǵan músheleriniń biri tikeleı ózi nemese ýákiletti ókili arqyly Qazaqstan Respýblıkasynyń shetelderdegi dıplomatııalyq ókildikterine, konsýldyq mekemelerine nemese ýákiletti organǵa beredi.

Qandas mártebesin berý jáne otbasyn qandastardyń kóship kelý kvotasyna engizý týraly ótinishti qaraý, sondaı-aq osy máseleler boıynsha sheshimdi ol tirkelgen kúnnen bastap eki aı ishinde ýákiletti organnyń aýmaqtyq qyzmetteri qabyldaıdy.

Qandastar dep tanylǵan adamdarǵa belgilengen úlgidegi kýálik beriledi. Qandastyń kýáligi qatań esepte bolatyn qujat bolyp tabylady jáne osy Zańda kózdelgen jeńildikter men ótinimderdi alý úshin negiz bolady.

Qazirgi ýaqytta kóshi-qon proesterin basqarý jónindegi ýákiletti organ – Qazaqstan Respýblıkasynyń Eńbek jáne halyqty áleýmettik qorǵaý mınıstrligi kóshi-qon Komıteti.

Ýákiletti organnyń aýmaqtyq qyzmetteri — bul oblystaǵy jáne Nur-Sultan, Almaty qalalaryndaǵy Kóshi-qon Komıtetiniń basqarmalary.