Желіде ұстаздың оқушылар жайлы айтқан пікірі жұрттың ашуын туғызды

Фото: скрин видео

Желіде мектепте бірнеше жыл бойы сабақ берген ұстаздың «Мұғалім — оқушының жауы» деген пікірі тарап кетті, деп хабарлайды qandastar.kz

 Skifnews.kz жазғандай, өзін Әйгерім Әуебек деп таныстырған ол, «Мұғалім — оқушының жауы» екенін ашып айтты. 

«Мұғалімдер баланың жауы. Өйткені кейбір мұғалімдер болады сабаққа кіре салысымен, «Әлихан сен жаңа коридорда шулап жүр едің ғой, көрейін қазір сабаққа қалай жауап беретініңді» дегеннен басталады. Сөйтіп сабақ басталмай жатып оқушыларды сындыра бастайды, психологиялық тұрғыдан.

Сосын журналдың тізіміне қарап, көзілдірігінің асты-үстімен оқушыға қарап, әрқайсысына қарап, содан рахаттанады. Сабақ басталмай жатып баланың сағын сындыру, психологиялық тұрғыдан әсер етеді, ал бала сосын жабылады. Яғни, кейбір мұғалімдер болады өзінің қаталдығымен, өз пәнін білмейтін мұғалімдер образын қаталдықпен жабатын болады.

Мен саған емтиханда, ертең тоқсан біткен кезде көресің сен бала менен, бақылауда көрсетемін деп манипуляция жасайды. Ол өзін қатал мұғаліммін, мен балаларға тәртіп орнатып жатырмын деп ойлайды. Негізінде ол жерде баланың таза сағын сындыру, эмоционалды деңгейін түсіру бар. Ал, эмоционалды деңгейі төмен баладан IQ ешқашан жоғары болмайды. Сондықтан қатал мұғалім, ол жақсы мұғалім емес», — деді мұғалім.