Jyl basynan beri 7 myń qazaq qandas mártebesin aldy

2021 jylǵy 1 maýsymdaǵy jaǵdaı boıynsha 6 935 adam tarıhı otanymen tabysyp, qandas mártebesin aldy. Jalpy 1991 jyldan beri respýblıkaǵa 1 mln 77,3 myń etnıkalyq qazaq oraldy. Bul týraly QR Eńbek jáne halyqty áleýmettik qorǵaý mınıstrligi málimdedi. 

Aǵymdaǵy jyldyń basynan Qazaqstanǵa kelgen qandastardyń jartysynan kóbi (76,3%) О́zbekstannan, 10,4% – Qytaıdan, 6,2% – Túrikmenstannan, 2,7% – Mońǵolııadan jáne 4,4% basqa elderden.

Kelgen etnıkalyq qazaqtar negizinen Almaty (30,5%), Túrkistan (15%), Mańǵystaý (17,7%) jáne Jambyl (8%) oblystaryna, sondaı-aq Shymkent (11%) qalasyna qonystandy.

Aǵymdaǵy jylǵy 1 maýsymdaǵy jaǵdaı boıynsha eńbekke qabiletti jastaǵy etnıkalyq qonys aýdarýshylar sany 56,5%-dy, eńbekke qabiletti jastan kishi 24%-dy jáne zeınetkerler 19,5%-dy quraıdy.

Eńbekke qabiletti jastaǵy kandıdattardyń ishinen bilim deńeıi boıynsha 11,3% joǵary bilimdi, 39,5% orta kásibı bilimdi, 45,5% jalpy orta bilimdi jáne 3,7% bilimi joq.