Oralman kýáligi

Jyl basynan beri 5,6 myńnan astam etnıkalyq qazaq qandas mártebesin aldy

1 mamyrdaǵy jaǵdaı boıynsha 5 685 adam tarıhı otanyna oralyp, qandas mártebesin aldy.

Jalpy 1991 jyldan beri respýblıkaǵa 1 mln 76,1 myń etnıkalyq qazaq oraldy.

Osy jyldyń basynan beri Qazaqstanǵa kelgen qandastardyń jartysynan astamy (76,9%) О́zbekstannan, 10,7%-i QHR-dan, 5,4%-i Túrikmenstannan, 2,9%-i Mońǵolııadan jáne 4%-i basqa elderden kelgen.

Kelgen etnıkalyq qazaqtar negizinen Almaty (31%), Túrkistan (15,8%), Mańǵystaý (15,9%) jáne Jambyl (7,8%) oblystarynda, sondaı-aq Shymkent qalasynda (11,4%) qonystandy.

1 mamyrdaǵy jaǵdaı boıynsha eńbekke qabiletti jastaǵy etnıkalyq qonys aýdarýshylardyń sany 57,2%, eńbekke qabiletti jastan kishi adamdar 24,6% jáne zeınetkerler 18,2% quraıdy.

Eńbekke qabiletti jastaǵy qandastardyń ishinde bilim deńgeıi boıynsha 11,1%-iniń joǵary, 39,8%-iniń arnaıy orta, 45%-iniń jalpy orta bilimi bar jáne 4,1%-iniń bilimi joq. Aqparat kózi: QR EHÁQM baspasóz qyzmeti Osy kategorııa boıynsha: « Jýaly aýdanynyń halqy sapasyz sýdan túrli naýqasqa shaldyqqan Ortalyq Azııa elderi sý jınaý lımıtterin bekitti»

Osy aıdarda

Pikir ústeý

Close