تىركەۋگە تۇرۋ
قانداس مارتەبەسىن ۇزارتۋ ءتارتىبى
قانداس مارتەبەسىن ۇزارتۋ ءۇشىن وڭايلاتىلعان (تىركەۋ) تارتىپپەن قازاقستان رەسپۋبليكاسىنىڭ ازاماتتىعىن الۋ ماقساتىندا قازاقستان رەسپۋبليكاسىندا تۇراقتى تۇرۋعا رۇقسات العان ەتنيكالىق قازاقتار مەملەكەتتىك كورپوراتسياعا نە جەرگىلىكتى اتقارۋشى ورگانعا قاعيدالاردىڭ 2-قوسىمشاسىنا سايكەس مەملەكەتتىك كورسەتىلەتىن قىزمەت ستاندارتىنىڭ مەملەكەتتىك قىزمەتىن كورسەتۋ ءۇشىن قاجەتتى قۇجاتتار تىزبەسىندە كورسەتىلگەن قۇجاتتاردى قوسا بەرە وتىرىپ, قاعيدالاردىڭ 8-قوسىمشاسىنا سايكەس بۇدان بۇرىن بەرىلگەن قانداس مارتەبەسىن ۇزارتۋ تۋرالى ءوتىنىش بەرەدى.
قانداس مارتەبەسىن ۇزارتۋ تۋرالى شەشىمدى زاڭنىڭ 21-بابىنىڭ 2-تارماعىنا سايكەس جەرگىلىكتى اتقارۋشى ورگان التى ايدان اسپايتىن مەرزىمگە ءبىر رەت قابىلدايدى.
جەرگىلىكتى اتقارۋشى ورگان ءوتىنىش بەرۋشىنىڭ دەرەكتەرىن «قانداس» ااج ارقىلى ءوتىنىش بەرۋشىدە قانداس مارتەبەسىن توقتاتۋ جانە ونىڭ قازاقستان رەسپۋبليكاسىنىڭ ازاماتتىعىن الۋى تۋرالى مالىمەتتەردىڭ بولۋى تۇرعىسىنان تەكسەرەدى.
جەرگىلىكتى اتقارۋشى ورگان ءوتىنىش تىركەلگەن كۇننەن باستاپ بەس جۇمىس كۇنى ىشىندە قاعيدالاردىڭ 5-قوسىمشاسىنا سايكەس نىسان بويىنشا قانداس مارتەبەسىن ۇزارتۋ تۋرالى نە قانداس مارتەبەسىن ۇزارتۋدان باس تارتۋ تۋرالى شەشىم قابىلدايدى.
«قانداس» ااج ارقىلى ءوتىنىش بەرۋشىنىڭ قازاقستان رەسپۋبليكاسىنىڭ ازاماتتىعىن العانىن راستاۋ, قاعيدالاردىڭ 22-تارماعىندا كوزدەلگەن ءوتىنىش بەرۋ مەرزىمىنىڭ ءوتۋى قانداس مارتەبەسىن ۇزارتۋدان باس تارتۋ ءۇشىن نەگىز بولىپ تابىلادى.
