Yqtııar hat

Ruqsatty rásimdeý ne úshin qajet?

QR turaqty turýyn rastaıtyn qujat – bul turý yqtııarhaty. Turý yqtııarhatyn alý úshin turaqty turýǵa ruqsat alý qajet. Ruqsat aýmaqtyq polıııa departametterinde beriledi. QR kelýshilerge jáne turý yqtııarhatyn alýǵa tilek bildirýshilerge qoıylatyn negizgi talap olardyń tólem qabilettiliginiń dáleli bolyp tabylady.

Qazaqstan Respýblıkasynda turaqty turý vızasymen ýaqytsha bolatyn ne Qazaqstan Respýblıkasymen kirýdiń jáne bolýdyń vızasyz tártibi týraly kelisim jasasqan memleketterden kelgen sheteldikter sondaı-aq ózderine berilgen vızanyń sanatyna qaramastan, etnıkalyq qazaqtar Qazaqstan Respýblıkasynda turaqty turýǵa ruqsat alý úshin ishki ister organdaryna júginedi jáne Qazaqstan Respýblıkasy Ishki ister mınıstriniń 2020 jylǵy 31 naýryzdaǵy № 275 buıryǵymen bekitilgen tizbesi boıynsha kelesi qujattar usynylady:

1) Qazaqstan Respýblıkasynda turaqty turýǵa ruqsatty berý týraly ótinish-saýalnama;
2) kórsetiletin qyzmetti alýshynyń ulttyq pasportynyń, azamattyǵy joq adamnyń qujatynyń kóshirmesi jáne túpnusqasy (salystyra tekserý úshin), olardyń jaramdylyq merzimi ótinish bergen kúni kúntizbelik 180 kúnnen astam bolýy tıis;
3) birlesip ótinish bergen kezde on alty jasqa tolmaǵan balanyń jeke basyn rastaıtyn balanyń týý týraly kýáligi nemese basqa qujattyń kóshirmesi jáne túpnusqasy (salystyra tekserý úshin);
4) onyń azamattyǵy bar nemese turaqty turatyn memleketiniń jazbasha kelisimi, ol ketý paraǵy ne shetelge turaqty turýǵa arnalǵan ruqsatty rastaıtyn basqa qujat retinde júrýi múmkin (bosqyndar dep tanylǵan nemese Qazaqstan Respýblıkasynda pana usynylǵan sheteldikter men azamattyǵy joq adamdardy jáne eger halyqaralyq shartta ózgeshe kózdelmese, Qytaı Halyq Respýblıkasynan keletin etnıkalyq qazaqtardy qospaǵanda);
5) ótinishhat berýshiniń qoltańbasymen qazaq nemese orys tilindegi ómirbaıan;
6) etnıkalyq qazaqtardy, burynǵy otandastardy, Qazaq Keńestik Soıalıstik Respýblıkasynda nemese Qazaqstan Respýblıkasynda týǵan nemese buryn onyń azamattyǵynda bolǵan adamdardy, sondaı-aq Qazaqstan Respýblıkasynyń halyqaralyq sharttar negizinde jeńildetilgen tártipte Qazaqstan Respýblıkasynyń azamattyǵyn alýǵa quqyǵy bar adamdardy jáne olardyń otbasy múshelerin qospaǵanda, «Qazaqstan Respýblıkasynda turaqty turýǵa ruqsattar alýǵa úmitker sheteldikterdiń jáne azamattyǵy joq adamdardyń Qazaqstan Respýblıkasynda bolý kezeńinde ózderiniń tólem jasaý qabilettigin rastaý erejesin bekitý týraly» Qazaqstan Respýblıkasy Úkimetiniń 2003 jylǵy 26 qarashadaǵy № 1185 qaýlysyna sáıkes óziniń tólem qabilettiligin rastaý týraly qujat;
7) azamattyǵy tıesililigi nemese turaqty turatyn memlekette sottylyǵy (sottylyǵynyń bolmaýy) týraly tıisti memlekettiń quzyretti organy bergen qujat (Qytaı Halyq Respýblıkasy azamattarynyń etnıkalyq qazaqtaryn qospaǵanda, eger ózge halyqaralyq sharttarda kózdelmese);
8) Qazaqstan Respýblıkasynda turaqty turýǵa 14-ten 18 jasqa deıingi balanyń notarıaldy kýálandyrylǵan kelisimi;
9) ótinish berýshige turýǵa turǵyn úı usyný jáne turaqty tirkeý esebine qoıý týraly jeke jáne zańdy tulǵamen notarıaldy kýálandyrylǵan shart ne notarıaldy kýálandyrylǵan kelisim;
10) «Sheteldikterde jáne azamattyǵy joq adamdarda bolýy olardyń Qazaqstan Respýblıkasyna kelýine tyıym salatyn aýrýlardyń tizbesin bekitý týraly» Qazaqstan Respýblıkasy Densaýlyq saqtaý mınıstriniń 2011 jylǵy 30 qyrkúıektegi № 664 buıryǵyna (Normatıvtik quqyqtyq aktilerdi memlekettik tirkeý tiziliminde 2011 jylǵy 24 qazanda № 7274 bolyp tirkeldi) sáıkes sheteldikter men azamattyǵy joq adamdarǵa kelýge tyıym salynatyn syrqattardyń bar-joǵy týraly sheteldiktiń medıınalyq kýálandyrý týraly anyqtamasy;
11) mólsheri 35h45 mm bir fotosýret;
12) tıisti memlekettiń quzyretti organy bergen basqa memlekettiń azamattyǵynyń bolmaýy jáne toqtatylýy týraly anyqtama (týý faktisin anyqtaǵan ne basqa memlekettik aýmaǵynda onyń turýy anyqtalǵan jaǵdaıda jeke basty kýálágá joq kórsetiletin qyzmetti alýshy júgingen kezde).

5), 6), 9) tarmaqshalarynda kórsetilgen qujattardyń jaramdylyq merzimi kúntizbelik 180 kúnnen aspaýy tıis.

Oń qorytyndysy shyǵarylǵan jaǵdaıda  sheteldik turaqty tirkeý esebine alynyp jáne sheteldiktiń turýǵa yqtııarhatymen qujattandyrylatyn bolady.

Immıgranttarǵa ulttyq qaýipsizdik organdarynyń oń kelisiminsiz Qazaqstan Respýblıkasynda turaqty turýǵa ruqsat berýge tyıym salynady.

Osy aıdarda

Dobavıt kommentarıı

Close