Jańalyqtar

Qandastarǵa arnalǵan kvota sanyn kóbeıtý kerek — depýtat

Qandastarymyzdyń elge oralýyna bólingen kvota az. Búgin Májilis depýtaty Saýytbek Ábdirahmanov palatanyń jalpy otyrysynda Úkimet basshysyna osy máseleni jetkizdi, dep habarlaıdy «Habar 24».

Onyń aıtýynsha, byltyr qandastarymyzǵa 1378 kvota bólingen. Bıyl olardyń sany 1426-ǵa jetti. «Alaıda bul óte az», — dedi Saýytbek Ábdirahmanov. Buryndary jyl saıyn 20 myń adamǵa deıin kóship kelýge ruqsat beriletin. Qandastar negizinen Aqmola, Atyraý, Shyǵys Qazaqstan, Batys Qazaqstan, Qostanaı, Pavlodar, Soltústik Qazaqstan oblystaryna qonystanady. Depýtat osy óńirlerde beıimdeý men kiriktirý ortalyqtaryn kóbeıtip, memlekettik qyzmetti qazaq tilinde alýyna múmkindik jasaý qajettiligin atap ótti.

Saýytbek Ábdirahmanov, QR Parlamenti Májilisiniń depýtaty:

– Úkimettiń eldegi mıgraııalyq jáne demografııalyq proesterdi turaqtandyrý maqsatymen qandastarǵa bólinetin kvotanyń kólemin kóbeıtý,  beıimdeý men kiriktirý ortalyqtaryn qurý, repatrıanttarǵa memlekettik qyzmetti qazaq tilinde kórsetý, jumys kúshi artyq óńirlerden adamdardy soltústiktegi óńirlerge qonystandyrý sııaqty máselelerdiń sheshilý joldaryn qarastyrýdy, atqarylyp jatqan, atqarylatyn sharýadan zańda belgilengen tártip boıynsha jan-jaqty habardar etýdi suraımyz.

Osy aıdarda

Dobavıt kommentarıı

Close