Jańalyqtar

Ákimderdiń qyzmeti qandastar máseleleriniń sheshilýi boıynsha baǵalanýy tıis

«Otandastar qory» KEAQ bul týraly usynystaryn jańadan ázirlenip jatqan Qazaqstan Respýblıkasynyń kóshi-qon saıasatynyń 2022-2026jj. Tujyrymdamasyn ázirleý jónindegi jumys tobyna jáne basqa da múddeli ortalyq memlekettik organdarǵa burynda da joldaǵan bolatyn. Bul jaıynda «Otandastar qory» Qoǵamynyń uıymdastyrýymen ótken Qazaqstan Respýblıkasynyń Prezıdenti Qasym-Jomart Toqaevtyń halyqqa joldaýyn talqylaý kezinde Qoǵam vıe-prezıdenti Maǵaýııa Sarbasov aıtty.

«Atajurtqa taban tiregen aǵaıyn úshin jergilikti atqarýshy organdardyń qoldaýy qajet. Ákimder jumysynyń tıimdiligi, basqa da kórsetkishtermen qosa qandastardyń beıimdelýi boıynsha kórsetken kómekter negizindegi kórsetkishtermen ólshenip, baǵalanýy tıis. Atalǵan usynystar Aqparat jáne qoǵamdyq damý mınıstrligi, Eńbek jáne áleýmettik qorǵaý mınıstrligi tarapynan tıisti qoldaý tabady degen senimdemiz, – deıdi Maǵaýııa Qanapııauly.

Jıynǵa Qoǵam basshylyǵy, sarapshylar, qoǵam belsendileri, jýrnalıster men stýdent jastar qatysty. Is-shara aıasynda qatysýshylar Joldaýda aıtylǵan bilim berý, densaýlyq saqtaý, aýyl sharýashylyǵy, turǵyn-úı qurylysy jáne taǵy basqa salalarǵa engiziletin oń ózgeristerge qoldaý bildiretinin jetkizdi. Osy oraıda, Qoǵam vıe-prezıdenti Maǵaýııa Sarbasov memleket tarapynan elge oralǵan aǵaıyndar men shetelde turatyn qandastardy qoldaýǵa arnalǵan túrli jobalarmen tanystyrdy.

Osy aıdarda

Pikir ústeý

Close