جاڭالىقتار

ۇلكەن كوشتىڭ باستاۋى..

2021 جىلعى 14 قىركۇيەكتە 16:00 دە قازاقستانعا قونىس اۋدارۋشىلاردىڭ العاشقى لەگى كەلدى. جيىنى 13 ادام (3 وتباسى). قانداستارىمىزدى «وتانداستار» قورى كەاق وكىلدەرى كۇتىپ الىپ, سولتۇستىك قازاقستان وبلىسىنا شىعارىپ سالدى.

سونداي-اق, 15-قىركۇيەكتە كوشتىڭ ەكىنشى لەگىمەن قازاقستاننىڭ سولتۇستىگىنە بەت العان يراننان كوشكەن 73 قانداسىمىز (20 وتباسى) ماڭعىستاۋ وبلىسى, اقتاۋ قالاسىنا ات باسىن تىرەيدى.

اتاجۇرتقا ورالعان باۋىرلارىمىز 20 قىركۇيەك ساعات 16.00-دە نۇر-سۇلتان قالاسىنا ماڭعىستاۋ — نۇر-سۇلتان نۇرلى جول باعىتىنداعى پويىزبەن كەلەدى.

قانداستارىمىزدى كۇتىپ الۋ ءىس-شاراسى ۇيىمداستىرىلىپ, الىستان كەلگەن اعايىنعا نۇر-سۇلتان قالاسىنىڭ كورىكتى جەرلەرىنە ەكسكۋرسيا وتكىزىلىپ, ارنايى اس بەرىلەدى.

بۇل كوش قر سىرتقى ىستەر مينيسترلىگى, ەلىمىزدىڭ يرانداعى ەلشىلىگى جانە گورگان قالاسىنداعى باس كونسۋلدىعى مەن دۇنيەجۇزى قازاقتارىنىڭ قاۋىمداستىعى جانە «وتانداستار قورى» كەاق ۇيىمداستىرۋىمەن, ماڭعىستاۋ جانە سولتۇستىك قازاقستان وبلىستارى اكىمدەرىنىڭ قولداۋىمەن جۇزەگە اسىرىلۋدا.

اتاجۇرتقا كوشىپ كەلگەن اعايىندار مەملەكەتتىك كۆوتا ارقىلى ەلىمىزدىڭ سولتۇستىك ايماقتارىندا ورنالاستىرىلاتىن بولادى.

وسى ايداردا

دوباۆيت كوممەنتاري

Close