Úlken kóshtiń bastaýy..

2021 jylǵy 14 qyrkúıekte 16:00 de Qazaqstanǵa qonys aýdarýshylardyń alǵashqy legi keldi. Jıyny 13 adam (3 otbasy). Qandastarymyzdy «Otandastar» qory KEAQ ókilderi kútip alyp, Soltústik Qazaqstan oblysyna shyǵaryp saldy.

Sondaı-aq, 15-qyrkúıekte kóshtiń ekinshi legimen Qazaqstannyń Soltústigine bet alǵan Irannan kóshken 73 qandasymyz (20 otbasy) Mańǵystaý oblysy, Aqtaý qalasyna at basyn tireıdi.

Atajurtqa oralǵan baýyrlarymyz 20 qyrkúıek saǵat 16.00-de Nur-Sultan qalasyna Mańǵystaý — Nur-Sultan Nurly Jol baǵytyndaǵy poıyzben keledi.

Qandastarymyzdy kútip alý is-sharasy uıymdastyrylyp, alystan kelgen aǵaıynǵa Nur-Sultan qalasynyń kórikti jerlerine ekskýrsııa ótkizilip, arnaıy as beriledi.

Bul kósh QR Syrtqy ister mınıstrligi, Elimizdiń Irandaǵy elshiligi jáne Gorgan qalasyndaǵy Bas konsýldyǵy men Dúnıejúzi qazaqtarynyń qaýymdastyǵy jáne «Otandastar qory» KEAQ uıymdastyrýymen, Mańǵystaý jáne Soltústik Qazaqstan oblystary ákimderiniń qoldaýymen júzege asyrylýda.

Atajurtqa kóship kelgen aǵaıyndar memlekettik kvota arqyly Elimizdiń soltústik aımaqtarynda ornalastyrylatyn bolady.