جاڭالىقتار

سۋرەتشىلەر بالالار ءۇيىنىڭ تاربيەلەنۋشىلەرىنە شەبەرلىك دارىستەرىن وتكىزبەك

ەلىمىزدىڭ زاماناۋي سۋرەتشىلەرى الماتى قالاسىندا بالالار ءۇيىنىڭ تاربيەلەنۋشىلەرىنە شەبەرلىك دارىستەرى مەن سەمينارلاردى وتكىزۋدى جوسپارلاپ وتىر. ءىس-شارا 1 قازان مەن 29 قاراشا ارالىعىندا بولادى, دەپ حابارلايدى «ادىرنا» ءتىلشىسى.

قازاقستانداعى زاماناۋي ونەردى قولداۋ جوباسى اياسىندا Qazaqstan Oneri, Lotte Rakhat جانە Art Future Art Residence ەسىگىن اشادى.

«لوتتە راحات» اق ماركەتينگ جونىندەگى ديرەكتورى اسەل ماقۇلبەكوۆا بۇل جوبانىڭ «Lotte Rakhat» كونديتەرلىك برەندىنىڭ 30 جىلدىق مەرەيتويىنا وراي ۇيىمداستىرىلعانىن اتاپ ءوتتى.

«راحات» كومپانياسى تاۋەلسىز قازاقستاندا وتىز جىلدان بەرى جۇمىس ىستەپ كەلەدى. Qazaqstan Oneri جوباسىنىڭ ماقساتى – بالالاردى ونەر الەمىنە باۋلۋ, جاس اۆتورلاردىڭ كوركەم تۋىندىلارىن جۇزەگە اسىرۋدى قولداۋ. ەكىنشى جاعىنان, تۇتىنۋشىلاردى ساپالى ونىممەن قۋانتۋ. ءبىز جاستاردىڭ شىعارماشىلىق پوتەنتسيالىن ءارتۇرلى سالالاردا كوتەرىپ, ولاردى ۇنەمى قولداۋعا تىرىسامىز»,– دەدى ول.

ايتا كەتەيىك, جوباعا 30 بالا قاتىسىپ, كوركەمدىك شەبەرلىك دارىستەرىن تەگىن وتپەك.

«ادىرنا» ۇلتتىق پورتالى

وسى ايداردا

دوباۆيت كوممەنتاري

Close