يراننان كەلگەن قانداستار سولتۇستىك قازاقستان وبلىسىنا تۇراقتادى

سولتۇستىك قازاقستان وبلىسىنا يراننان ەتنيكالىق قازاقتار وتباسى كەلدى, — دەپ حابارلايدى “ادىرنا” ۇلتتىق پورتالى «حابار 24» تەلەارناسىنا سىلتەمە جاساپ.

قانداستاردىڭ وتباسى جالعا بەرىلەتىن تۇرعىن ۇيمەن قامتاماسىز ەتىلدى. مىسالى, پەتروپاۆلدان 120 شاقىرىم جەردەگى نيكولاەۆكا اۋىلىندا «ەڭبەك» باعدارلاماسىنا قاتىسۋشىلارعا 30 ءۇي سالىندى. ولارعا ەتنيكالىق قازاقتاردىڭ ءبىر بولىگى قونىستانادى.

20 وتباسى ۇزاق جول ءجۇرىپ, تۇرعىلىقتى جەرىنە جەتتى. يراننان اقتاۋعا, اقتاۋدان نۇر-سۇلتانعا, ودان سولتۇستىككە. ولار ءۇش ەلدى مەكەنگە: ەسىل وڭىرىندەگى پەتروۆكا مەن نيكولاەۆكا, سونداي-اق شال اقىن اۋدانىنداعى سەرگەەۆكاعا قونىستانعان.

«سەزىمدى سوزبەن ايتىپ جەتكىزۋ مۇمكىن ەمەس. مەن اتا-بابامنىڭ تۋعان جەرىنە كەلگەنىمە قۋانىشتىمىن. ايەلىم دە قۋانىشتى. ءبىز بالالاردىڭ انا ءتىلىن بىلگەنىن, مادەنيەتىن ساقتاعانىن قالايمىز. سوندىقتان وسىندا كوشۋدى ۇيعاردىق», — دەدى قازاقستانعا ءتورت بالاسىمەن كوشىپ كەلگەن قانداس ءناجىب.

نيكولاەۆكادا يراننان كەلگەن 10 وتباسى ءبىر كوشەگە قونىستانعان. ولار ازاماتتىق الۋعا ءوتىنىش بەرىپ, جۇمىس تابۋى كەرەك. كەيبىرەۋلەر جەكە كاسىپ اشۋدى جوسپارلاپ وتىر.

ەسىل ءوڭىرى اكىمدىگى قانداستارعا قازاق ءتىلى مەن ەملەسىن ۇيرەنۋگە كومەك كورسەتىلەتىنىن ايتتى. ول ءۇشىن اپتاسىنا ءۇش رەت تەگىن ساباقتار ۇيىمداستىرىلادى. نيكولاەۆكا مەن پەتروۆكادا ارالاس ءبىلىم بەرەتىن مەكتەپتەر بار, سوندىقتان وعان بايلانىستى ماسەلە شەشىلدى, ولار انا تىلىندە وقيدى.

ەسكە سالايىق, 15 قىركۇيەكتە ماڭعىستاۋ وبلىسىنا يراننان 53 قانداس مىنگەن ۇشاق كەلگەن بولاتىن.

«ادىرنا» ۇلتتىق پورتالى