Irannan kelgen qandastar Soltústik Qazaqstan oblysyna turaqtady

Soltústik Qazaqstan oblysyna Irannan etnıkalyq qazaqtar otbasy keldi, — dep habarlaıdy “Adyrna” ulttyq portaly «Habar 24» telearnasyna silteme jasap.

Qandastardyń otbasy jalǵa beriletin turǵyn úımen qamtamasyz etildi. Mysaly, Petropavldan 120 shaqyrym jerdegi Nıkolaevka aýylynda «Eńbek» baǵdarlamasyna qatysýshylarǵa 30 úı salyndy. Olarǵa etnıkalyq qazaqtardyń bir bóligi qonystanady.

20 otbasy uzaq jol júrip, turǵylyqty jerine jetti. Irannan Aqtaýǵa, Aqtaýdan Nur-Sultanǵa, odan soltústikke. Olar úsh eldi mekenge: Esil óńirindegi Petrovka men Nıkolaevka, sondaı-aq Shal aqyn aýdanyndaǵy Sergeevkaǵa qonystanǵan.

«Sezimdi sózben aıtyp jetkizý múmkin emes. Men ata-babamnyń týǵan jerine kelgenime qýanyshtymyn. Áıelim de qýanyshty. Biz balalardyń ana tilin bilgenin, mádenıetin saqtaǵanyn qalaımyz. Sondyqtan osynda kóshýdi uıǵardyq», — dedi Qazaqstanǵa tórt balasymen kóship kelgen qandas Nájib.

Nıkolaevkada Irannan kelgen 10 otbasy bir kóshege qonystanǵan. Olar azamattyq alýǵa ótinish berip, jumys tabýy kerek. Keıbireýler jeke kásip ashýdy josparlap otyr.

Esil óńiri ákimdigi qandastarǵa qazaq tili men emlesin úırenýge kómek kórsetiletinin aıtty. Ol úshin aptasyna úsh ret tegin sabaqtar uıymdastyrylady. Nıkolaevka men Petrovkada aralas bilim beretin mektepter bar, sondyqtan oǵan baılanysty másele sheshildi, olar ana tilinde oqıdy.

Eske salaıyq, 15 qyrkúıekte Mańǵystaý oblysyna Irannan 53 qandas mingen ushaq kelgen bolatyn.

«Adyrna» ulttyq portaly