«بالالار مەن ايەلدەرگە ارنالعان پسيحوالەۋمەتتىك تۇزەتۋ جۇمىستارى» تاقىرىبىندا كونفەرەنتسيا ءوتتى.

بۇگىن «ادىرنا» ۇلتتىق-ەتنوگرافيالىق بىرلەستىگى» قوعامدىق قورىنىڭ ۇيىمداستىرۋمەن «بالالار مەن ايەلدەرگە ارنالعان
پسيحوالەۋمەتتىك تۇزەتۋ جۇمىستارى» تاقىرىبىندا كونفەرەنتسيا ءوتتى.

ءىس-شاراعا پسيحولوگ اقنۇر تاۋەكەل مەن كوۋچ موتيۆاتور, “KANIKAR” كلۋبىنىڭ جەتەكشىسى التىن كانيكار قاتىسىپ, ءوز باياندامالارىن وقىدى.

ماماندار كونفەرەنتسياعا جينالعان قاۋىمعا اقىل-كەڭەستەرىن ايتىپ, پسيحوالەۋمەتتىك تۇزەتۋ جۇمىستارىنىڭ قالاي جۇرگىزىلەتىنىن اتاپ ءوتتى.

«كەز كەلگەن ادام ورتا اۋىستىرعان كەزدە بەلگىلى ءبىر قيىندىقتارعا ۇشىرايدى. بۇل قالىپتى جاعداي. ولاردى ەڭسەرۋ ءۇشىن سول قوعامعا بەيىمدەلۋگە تىرىسىپ, ارەكەت ەتۋ قاجەت»,– دەدى التىن كانيكار.

«ادىرنا» ۇلتتىق پورتالى