Qazaqstanǵa qandastardyń eń kóp bóligi qaıdan kelgeni aıtyldy

2021 jylǵy 1 qarashadaǵy jaǵdaı boıynsha 15 903 adam tarıhı otanymen tabysyp, qandas mártebesin aldy. Jalpy 1991 jyldan beri respýblıkaǵa 1 mıllıon 86,2 myń etnıkalyq qazaq oraldy. Osy jyldyń basynan qandastardyń jartysynan kóbi (76,3%) Qazaqstanǵa О́zbekstannan kelgen, 9,5% – Qytaıdan, 6,1% – Túrikmenstannan, 2,5% – Mońǵolııadan jáne 5,5% basqa elderden. Kelgen etnıkalyq qazaqtar negizinen Almaty (28,3%), Túrkistan (13,4%), Mańǵystaý (19,1%) jáne Jambyl (8%) oblystaryna, sondaı-aq Shymkent (10,5%) qalasyna qonystandy. Aǵymdaǵy jyldyń 1 qarashadaǵy jaǵdaı boıynsha eńbekke qabiletti jastaǵy etnıkalyq qonys aýdarýshylar sany 55%-dy, eńbekke qabiletti jastan kishileri 28,1%-dy jáne zeınetkerler 16,8%-dy quraıdy. Eńbekke qabiletti jastaǵy qandastardyń ishinen bilim deńeıi boıynsha 11,1% joǵary bilimdi, 40,1% orta kásibı bilimdi, 45,5% jalpy orta bilimdi jáne 3,4% bilimi joq. Osy kategorııa boıynsha: « Elimizde bir táýlikte 2589 adam koronavırýstan jazylyp shyqty Ekologtar jahandyq jylynýdy qalaı toqtatpaq »