Jańalyqtar
Qańtardan beri Qazaqstanǵa 14,3 myń qandas kelgen
Jyl basynan beri 14 358 adam tarıhı otanyna oralyp, qandas mártebesin aldy. 1991 jyldan beri elge 1 mln. 84,7 myń etnıkalyq qazaq oraldy. Eńbek jáne halyqty áleýmettik qorǵaý mınıstrliginiń 12 qazan kúngi habarlamasynda osyndaı málimet kórsetilgen.
Bıyl kelgen qandastardyń jartysynan astamy (76,3%) О́zbekstannan, 9,4%-y Qytaıdan, 6,4%-y Túrikmenstannan, 2,5%-y Mońǵolııadan jáne 5,4 %-y basqa elden kelgen.
Kelgender negizinen Almaty (28%), Mańǵystaý (19,3%), Túrkistan (13,5%) jáne Jambyl (8,1%) oblystary, sonymen birge Shymkent qalasyna (10,7%) qonystanǵan.
Aqparatqa qaraǵanda, qonys aýdarýshylardyń 55%-y – eńbekke jaramdy, 27,9%-y – eńbekke qabiletti jastan kishi , 17,1 paıyzyn zeınetkerler quraıdy.
Eńbekke qabiletti qandastardyń 11,1%-ynyń joǵary bilimi bar. 39,8 paıyzynyń orta kásibı bilimi bar. 45,5%-y — orta bilimdi. Shamamen 3,6%-ynyń bilimi joq.
Vedomstvo málimetinshe, óńirlik kvota aıasynda 720 qazaqqa sýbsıdııa berilgen, ıaǵnı otbasynyń árbir múshesine 70 AEK (204,1 myń teńge) mólsherinde aqsha tólengen.
Elde qandas mártebesi bir jylǵa deıin jaramdy.Byltyr mamyrda kóshi-qon máseleleri boıynsha keıbir zań aktilerine ózgerister men tolyqtyrýlar engizilip, buǵan deıin «oralman» atalyp kelgen etnıkalyq qazaqtar «qandas» dep atalatyn bolǵan. Biraq oralmandar bul ózgerister azamattyq alý proedýrasyn jeńildetpedi dep sanaıdy.
