جاڭالىقتار

«ۇزدىك يدەيا (جوبا)» كونكۋرسى قورىتىندىلاندى

​«اتىراۋ – ادالدىق الاڭى» جوبالىق كەڭسەسى اتىراۋ وبلىسى ىشكى ساياسات باسقارماسى جانە قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەت) اتىراۋ وبلىسى بويىنشا دەپارتامەنتىمەن بىرلەسىپ, جوو ستۋدەنتتەرى مەن ماگيسترانتتارى اراسىندا سىبايلاس جەمقورلىققا قارسى كۇرەس بويىنشا ۇزدىك يدەيا (جوباعا) كونكۋرسىن وتكىزدى.

جوبالارعا قويىلعان باستى تالاپ سىبايلاس جەمقورلىققا قارسى ءىس-قيمىل شارالارىنىڭ, سىبايلاس جەمقورلىق ءىس-ارەكەتتەرىن جويۋ ادىستەرىنىڭ جاڭا جۇيەسىن ۇسىنۋ بولاتىن.
كونكۋرسقا ۇسىنىلعان جوبالاردى باعالايتىن ساراپشىلاردىڭ جانە كونكۋرستىق كوميسسيانىڭ قۇرامىندا قر سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەت) اتىراۋ وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى ايدوس مامىت, قر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ اتىراۋ وبلىسى بويىنشا فيليالىنىڭ ديرەكتورى جاننات نۇرتىلەۋوۆا, قر پرەزيدەنتىنىڭ جانىنداعى مەملەكەتتىك باسقارۋ اكادەمياسى اتىراۋ وبلىسى بويىنشا فيليالىنىڭ اعا وقىتۋشىسى ەركەبۇلان مولدابەكوۆ, «اتىراۋ – ادالدىق الاڭى» جوبالىق كەڭسەسىنىڭ مامانى انيا تۋلەشوۆا بولدى.

جوبا يدەياسىنىڭ تيىمدىلىگى, مازمۇنىنىڭ اشىلۋى, جوبانىڭ داعدىسى, يدەيالاردىڭ جاڭاشىلدىعى باعالانعان كونكۋرستا ح.دوسمۇحامەدوۆ اتىنداعى اتىراۋ ۋنيۆەرسيتەتىنىڭ ەكونوميكا جانە قۇقىق فاكۋلتەتىنىڭ قۇقىقتانۋ ماماندىعىنىڭ 2 كۋرس ستۋدەنتى مەدەتوۆا ءمولدىردىڭ جوباسى ۇزدىك دەپ تانىلىپ, ديپلوم جانە ارنايى سىيلىق تابىستالدى.

كونكۋرستىڭ ناتيجەسىندە ۇزدىك جوبالار ۇسىنعان ستۋدەنتتەر العىس حاتپەن ماراپاتتالدى.

وسى ايداردا

پىكىر ۇستەۋ

Close