Jańalyqtar

«Úzdik ıdeıa (joba)» konkýrsy qorytyndylandy

​«Atyraý – adaldyq alańy» jobalyq keńsesi Atyraý oblysy Ishki saıasat basqarmasy jáne Qazaqstan Respýblıkasy Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmet) Atyraý oblysy boıynsha departamentimen birlesip, JOO stýdentteri men magıstranttary arasynda sybaılas jemqorlyqqa qarsy kúres boıynsha úzdik ıdeıa (jobaǵa) konkýrsyn ótkizdi.

Jobalarǵa qoıylǵan basty talap sybaılas jemqorlyqqa qarsy is-qımyl sharalarynyń, sybaılas jemqorlyq is-áreketterin joıý ádisteriniń jańa júıesin usyný bolatyn.
Konkýrsqa usynylǵan jobalardy baǵalaıtyn sarapshylardyń jáne konkýrstyq komıssııanyń quramynda QR Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmet) Atyraý oblysy boıynsha departamenti basshysynyń birinshi orynbasary Aıdos Mamyt, QR Prezıdentiniń janyndaǵy Memlekettik basqarý akademııasynyń Atyraý oblysy boıynsha fılıalynyń dırektory Jannat Nurtileýova, QR Prezıdentiniń janyndaǵy Memlekettik basqarý akademııasy Atyraý oblysy boıynsha fılıalynyń aǵa oqytýshysy Erkebulan Moldabekov, «Atyraý – adaldyq alańy» jobalyq keńsesiniń mamany Anııa Týleshova boldy.

Joba ıdeıasynyń tıimdiligi, mazmunynyń ashylýy, jobanyń daǵdysy, ıdeıalardyń jańashyldyǵy baǵalanǵan konkýrsta H.Dosmuhamedov atyndaǵy Atyraý ýnıversıtetiniń Ekonomıka jáne quqyq fakýltetiniń Quqyqtaný mamandyǵynyń 2 kýrs stýdenti Medetova Móldirdiń jobasy úzdik dep tanylyp, dıplom jáne arnaıy syılyq tabystaldy.

Konkýrstyń nátıjesinde úzdik jobalar usynǵan stýdentter Alǵys hatpen marapattaldy.

Osy aıdarda

Dobavıt kommentarıı

Close