الەۋمەتجاڭالىقتار
اتاجۇرتقا ورالعان قانداستارمەن كەزدەسۋ
بۇگىن قر مەملەكەتتىك ورتالىق مۋزەيىندە قر تاۋەلسىزدىگىنىڭ 30 جىلدىعىنا وراي اتاجۇرتقا ورالعان قانداستارمەن كەزدەسۋ ءوتتى, كەزدەسۋ بارىسىندا قانداستارىمىز ورتالىق مۋزەي قورىنا ارنايى تاپسىرىسپەن جاساتقان «ءسۇيىنشى» اتتى كارتينانى سىيعا تاپسىردى.
قر مەملەكەتتىك ورتالىق مۋزەي ديرەكتورى, پروفەسسور نۇرسان ءالىمباي جينالعان قاۋىمدى ايتۋلى مەرەكەمەن قۇتتىقتاپ, مۋزەيدىڭ تاريحى, سونىمەن قاتار بۇگىنگى كۇنى اتقارىپ جاتقان جۇمىستارىمەن تانىستىرىپ ءوتتى. جيىنعا ەلگە ورالىپ, ەلىمىزدىڭ وركەندەۋىنە ءوز ۇلەستەرىن قوسىپ جۇرگەن ەل ازاماتتارى جازۋشى-پۋبليتسيست مارات توقاشباەۆ, اقش, ماسساچۋسەتس تەحنولوگيالىق ينستيتۋتىنىڭ عالىمى جانە تەحاس تەحنولوگيالىق ۋنيۆەرسيتەتىنىڭ پروفەسسورى, حيميك نۇرشات نۇراجى, «Maksat-مەد» ەمحاناسىنىڭ ديرەكتورى, نەۆروپاتولوگ ماقسات ابدىقادىر, ماتەماتيك, اقىن شاياحمەت قالي ۇلى, اقىن داۋلەتبەك بايتۇرسىن, قازۇتۋ ليپ جەتەكشىسى, حيميك – ازات سەيتحان, قازۇۇ بيومەديتسينا عىلىمي زەرتتەۋ ورتالىعىنىڭ ديرەكتورى, بيولوگ – الىبەك ىدىرىس ۇلى, جاس كاسىپكەر – ۇرىستەم كەرىمجان قاتىستى. اتالمىش كەزدەسۋ قازاق ۇلتتىق مەديتسينا ۋنيۆەرسيتەتىنىڭ وقىتۋشىسى, فارماتسەۆت, قانداستىرىمىزدىڭ مۇددەسىن قورعاپ جۇرگەن قوعام قايراتكەرى وراز ۇلى قىدىرالىنىڭ ۇيىمداستىرۋىمەن ءوتتى.
Qandastar.kz
