Nıbalı oraldy, Lýenko kóshbasshy

Nur-Sultan qalasynda «Astana» kásibı velokomandasynyń resmı tusaýkeseri ótti. Jańa maýsymda bul komanda Astana Qazaqstan Team degen ataýmen óner kórsetedi.

 Bıyl elordalyq ujym 17-shi maýsymyna daıyndalyp jatyr. Komanda jańa oıynshylarmen tolyǵyp, quramaǵa 29 veloshabandoz kirdi. Olardyń arasynda velosport áleminde aty máshhúr Vıncheno Nıbalı (Italııa), Mıgel Anhel Lopes (Kolýmbııa) sııaqty sportshylar bar. Astana Qazaqstan Team bas menedjeri Aleksandr Vınokýrovtyń aıtýynsha, transferlik kezeńdegi qıyndyqtarǵa qaramastan, maýsym aldynda joǵary jetistikterge jetýge qaýqarly jáne komandany jeńiske jigerlendiretin birqatar shabandozdarmen kelisimge kelgen.

 «Birneshe myqty kóshbasshylarmen qosh aıtysqanymyzben deńgeıi joǵary shabandozdardy qatarǵa qostyq. Komanda jańartyldy, biraq biz jankúıer bilip úırengen «Astana» komandasy bolyp qala beremiz, bizdi álem tanıdy. Vıncheno Nıbalı, Mıgel Anhel Lopes pen Andreı Zeı syndy shabandozdardyń oralýy komandaǵa qosymsha sporttyq turaqtylyq pen senimdilik beredi. Djannı Moskon, Djo Dombrovskı, Davıd De La Krýs, Valerıo Kontı jáne basqa da sportshylardyń kelýi maqsatymyzdy aıqyndaı tústi, jańa múmkindikter ashty. Al Alekseı Lýenko sııaqty kóshbasshylar komandanyń betke ustarlary. Shabandozdarmen qatar bapkerler quramyn da kúsheıttik, otandyq maman Aleksandr Sheferdiń áli de bereri mol.  Qazaqstan Táýelsizdiginiń otyz jyldyǵy qarsańynda Nur-Sultanda tanystyrylǵan komanda jańa maýsymda tolaǵaı tabysqa jetetin jáne Astana Qazaqstan Team namysyn abyroımen qorǵaıtyn myqty ujym bolady dep senemin»,- dedi A.Vınokýrov.

 23 jasqa deıingi shabandozdar arasynda Qazaqstan chempıony Nurbergen Nurlyhasym men «Gran Premıo della Lıberaııa» bir kúndik jarysynyń jeńimpazy, ıtalııalyq Mıshel Gadzolı jańa maýsymda komanda quramyna engen jas sportshylar retinde tanystyryldy.

Astana Qazaqstan Team bas sport dırektory, otandyq maman Aleksandr Shefer, sport dırektorlar Marıo Manzonı men Orlando Maını (ekeýi de — Italııa) bapkerler tizimine endi.

Komanda kóshbasshylarynyń, sondaı-aq komandanyń basqa músheleri qatysatyn jarys kúntizbesi 4-19 jeltoqsanda Ispanııada ótetin komandanyń daıyndyq jattyǵý jıynynda anyqtalady.

 «Qazaqstan Táýelsizdiginiń otyz jyldyq mereıtoıyna birneshe kún qalǵanda Astana Qazaqstan Team komandasynyń resmı tusaýkeseri elordamyz Nur-Sultan qalasynda ótkeni erekshe mánge ıe. Shynynda da, álemdik pelotonda óz orny bar komandada jańa serpin paıda boldy. Kóshbasshylar jankúıerlerge jaqsy tanys, jańadan qosylǵandar da ózderin basqa jobalarda joǵary deńgeıde kórsetkender. Jastyq pen tájirıbeniń úılesimi, joǵary motıvaııa jáne jeńiske degen jiger – jańa maýsymda komandany alǵa súıreıtin mańyzdy qajettilikter. Ulttyq velosport federaııasynyń prezıdenti retinde komanda sapynda qazaqstandyq shabandozdardy kórgenime qýanyshtymyn. Jas shabandoz Nurbergen Nurlyhasym men qazaq sportyna eńbegi sińgen Andreı Zeıke qosh keldińizder degim keledi! 17-shi maýsymda komandaǵa sáttilik tileımin»,- dedi QR velosport federaııasynyń Prezıdenti Nurlan Smaǵulov.

 Komandanyń jańa maýsymdaǵy quramy:

Alekseı Lýenko, Artem Zaharov, Andreı Zeı, Gleb Brýsenskıı, Evgenıı Fedorov, Vadım Pronskıı, Iýrıı Natarov, Evgenıı Gıdıch, Dmıtrıı Grýzdev, Nýrbergen Nýrlyhasym (barlyǵy — Qazaqstan), Mıgel Anhel Lopes, Sebastıan Enao, Harold Tehada (barlyǵy — Kolýmbııa), Vıncheno Nıbalı, Antonıo Nıbalı, Leonardo Basso, Samýele Battıstella, Manýele Boaro, Valerıo Kontı, Fabıo Fellıne, Mıkele Gadzolı, Davıde Martınellı, Djannı Moskon, Sımone Velasko (barlyǵy — Italııa), Stefan De Bod (OAR), Davıd De La Krýs, Haver Romo (barlyǵy — Ispanııa), Djo Dombrovskıı (AQSh), Aleksandr Rıabýshenko (Belarýs).

«Astana» kásibı sport klýbynyń bas seriktesi – «Samuryq-Qazyna» UÁQ» AQ, quryltaıshysy – Týrızm ındýstrııasy men sportty qoldaý qory