Nurbergen Nurlyhasym: «Maqsatym kem degende úzdik úshtikke ený»

Álemdik sportta Qazaqstannyń  tólqujatyna aınalǵan «Astana Qazaqstan Team» velokomandasy taǵy bir shabandozben tolyqty.

Birqatar kóshbasshylaryn keri qaıtarǵan «Astana Qazaqstan Team» komandasy álemdik velododalarda jyldaǵy jetistikterin jańǵyrtýǵa tyrysyp kórmek.

Aldaǵy maýsymda jańa qurammen óner kórsetetin elordalyq veloujym sapynda Qazaqstannyń 23 jasqa deıingi chempıony Nurbergen Nurlyhasym da jarys jolyna shyǵatyny aıqyndaldy.

Endeshe, «Adyrna» ulttyq portalynyń tilshisi «Astana Qazaqstan Team» komandasynyń eń jas veloshabandozy Nurbergen Nurlyhasymmen suhbattasqan bolatyn. Sony nazarlaryńyzǵa usynamyz:

– 21 jasta bolsańdaǵy eýropalyq bedeldi jarystarda aıtarlyqtaı tájirıbe jınaqtap úlgerdiń. Tipti Aleksandr Vınokýrovtyń da kózine túsipsiń. Qatelespesem, bul seniń alǵashqy kásibı kelisimshartyń. Mansabyńnyń jańa taraýyna daıynsyń ba?

– Sporttyq mansabymda alǵa úlken qadam jasaǵanyma óte qýanyshtymyn. Biraz tolqyp turmyn. Jastar arasynda maýsymdy jaqsy ótkizdim. Biraq álemdik týrda múlde basqa deńgeı, basqa daıyndyq, basqa maqsattar ekenin jaqsy túsinemin. Osyndaı múmkindik bergen Aleksandr Vınokýrovqa alǵys bildiremin jáne maǵan artylǵan senimdi aqtaý úshin bar kúshimdi salýǵa tyrysamyn. Mansabymnyń jańa taraýy bastaldy. Bári oıdaǵydaı bolady dep úmittenemin.

– Qazaq velosportynyń qazirgi jaǵdaıyna kóńiliń tolady ma?

– Meniń oıymsha, elimizde velosport qarqyndy damyp keledi. Kásibı deńgeıde ǵana emes, Almaty, Shymkent jáne Taraz syndy iri qalalarda da atalǵan sport túrimen shuǵyldanatyndar qatary artqan. Ásirese, áýesqoılar arasynda jaqsy damyǵan. Tipti Ortalyq Azııa boıynsha aldyńǵy qatardamyz deýge bolady. Sebebi Qazaqstannan Vınokýrov, Lýenko sııaqty dańqty veloshabandozdar shyqqan. Biz olarǵa uqsaýǵa tyrysamyz. О́ıtkeni olardyń boıynan jeńimpazǵa laıyq qasıetterdiń bári tabylady.

– Nátıjelerge keler bolsaq, men ózime maqsat qoıdym. Kem degende úzdik úshtikke ený. Biraq álemdik sanatta emes. Bárin ýaqyt kórsetedi.

– О́zińniń alǵashqy bapkeriń men veloujymyń jaıly birer aýyz sózben suhbatymyzdy támamdasaq?!

– Eń aldymen alǵashqy bapkerim Vıacheslav Nepomnıaщıhke jáne Aleksandr Shýshemoın basqaratyn «Vino – Astana Motors» komandasynyń bapkerler shtabyna alǵys aıtqym keledi. Qazirgi jattyqtyrýshym Aleksandr Sheper. Ol óte bilikti bapker. Sondaı-aq ol veloshabandozdardyń ár áreketin sezine biledi. Men jattyqtyrýshylar quramyna rızamyn.

«Astana» kásibı sport klýbynyń bas seriktesi – «Samuryq-Qazyna» UÁQ» AQ, quryltaıshysy – Týrızm ındýstrııasy men sportty qoldaý qory

Oralbaı MERGENBAIULY