Toqaev Assambleıanyń basty mindetterin atady

Sonymen qatar, prezıdent, ár jyldary elimizde túrli dıalog alańdary men qoǵamdyq organdar qurylǵanyna toqtaldy.

Alaıda búgingi mereıtoılyq jıynda Assambleıanyń qoǵamdy ortaq maqsatqa jumyldyrý men ulttyq biregeılikti bekitý isinde balamasy joq basty platformaǵa aınalǵanyn jáne aldaǵy ýaqytta da solaı bolyp qala beretinin atap ótti.

«Assambleıa – memlekettigimizge arqaý bolǵan asa mańyzdy qurylym. Bul – Assambleıaǵa artylatyn júktiń salmaǵy da jeńil emes degen sóz. Ulttyq múddelerimizdi qorǵap, egemendigimizdi nyǵaıtý – qasterli paryz. Muny Assambleıa músheleri tereń sezinedi dep oılaımyn.»Qasym-Jomart Toqaev

Assambleıa barsha azamattardy ortaq qundylyqtar men maqsattarǵa jumyldyratyn jalpyhalyqtyq organ retinde jumys isteýi kerek.

Basty mindet – Qazaqstan halqynyń tatýlyǵy men aýyzbirshiligin, memleketimizdiń tutastyǵy men kıeli Táýelsizdigimizdi nyǵaıtý. Aldaǵy ýaqytta da solaı bolyp qala bermek. Biz bolashaqta da osy baǵytta naqty sharalar qabyldaımyz, – dedi memleket basshysy

«Men 2022 jyly Assambleıany damytý tujyrymdamasyn bekittim. Onyń merzimi de aıaqtalyp keledi. Sondyqtan jańa qujatty daıyndaý jumysyna qazirden bastap kirisý kerek, ıaǵnı, 2026-2030 jyldarǵa arnalǵan basymdyqtardy aıqyndaý qajet. Tujyrymdamanyń jobasynda qoǵamdy uıystyryp, úılesimdi damýǵa jol ashatyn jańa ádis-tásilder kórinis tabýy kerek. Sondaı-aq Qazaqstanda ómir súrip jatqan barlyq etnostardyń quqyqtaryn qorǵaýǵa arnalǵan negizgi qaǵıdattar kórsetilýge tıis. Úkimet etnosaralyq saladaǵy respýblıkalyq jáne óńirlik jumys josparynyń barlyǵyn jan-jaqty saraptap, onyń tıimdiligin arttyrýǵa qatysty usynys engizýi qajet. Jalpy, ult birligin nyǵaıtýda barlyq memlekettik jáne qoǵamdyq mehanızmderdi jetildirýdi jalǵastyrý kerek». Prezıdent