Jańa Rım papasy áli saılanǵan joq

Vatıkanda Rım papasyn saılaý rásimi ótip jatyr. Birinshi týrda konklav jańa Papany saılaı alǵan joq. Bul týraly qandastar.kz saıty “RIA Novostı” agenttigine silteme jasap habarlaıdy.

Daýys berýden keıin qudaıǵa qulshylyq jasaý rásimi ótedi, odan keıin kardınaldar qonaqúıge –áýlıe Petr soborynyń janynda ornalasqan áýlıe Marfa úıine qaraı aıańdaıdy.

Beısenbide jáne kelesi kúnderde tórt retten daýys berý sessııasy ótedi – tańerteń eki ret jáne tústen keıin  eki ret. Daýys berý nátıjesiz aıaqtalǵan jaǵdaıda, túste jáne jergilikti ýaqytpen keshki saǵat 19.00-de qara tútin shyǵaryp, belgi beredi.

Eger kardınaldar sol kúngi birinshi jáne úshinshi raýndta pontıfıkti saılaǵan bolsa, jergilikti ýaqyt boıynsha 10:30-da nemese 17.30-da aq tútin shyǵaryp belgi beredi. Al jańa Papa ekinshi jáne besinshi raýnda saılanǵan bolsa, eki saǵattan keıin habarlanady.

Eske salsaq, 2025 jylǵy 21 sáýirde Rım Papasy Franısk 88 jasynda ómirden ótken edi. Qazir Vatıkanda jańa Rım Papasyn saılaý úshin konklav ótip jatyr. Bul – shirkeý tarıhyndaǵy 267-shi Papa bolmaq. Bıylǵy konklavta rekordtyq kórsetkish tirkelip, 70 elden 133 kardınal qatysyp jatyr.