Qazaqstanda manıkıýr men pedıkıýr baǵasy kúrt ósip, rekordtyq kórsetkish tirkeldi

Foto: pixabay.com

2025 jyldyń basynan beri Qazaqstanda manıkıýr men pedıkıýr qyzmetteri buryn-sońdy bolmaǵan qymbattaýdy kórsetip otyr, dep jazdy qandastar.kz

Baǵanyń eń tez ósýi Almatyda baıqaldy. Bul týraly Stan.kz aqparat agenttigi DataHubarnasyna silteme jasap habarlaıdy.

Sáýir aıynda manıkıýrdiń baǵasy naýryzben salystyrǵanda 4,4%-ǵa qymbattaǵan. Bul, kem degende, 2011 jyldan bergi eń joǵary aılyq ósim bolyp otyr. Al pedıkıýr odan da qarqyndy qymbattady: elimiz boıynsha bir aıda birden +8,2%. Bul qyzmet boıynsha derekter 2021 jyldan beri jınala bastady. Sondyqtan qazirgi ósim – búkil baqylaý tarıhyndaǵy eń joǵary kórsetkish.

Eki qyzmet túri boıynsha da Almatyda erekshe sekiris tirkeldi. Manıkıýr baǵasy naýryzǵa qaraǵanda 21,1%-ǵa, al pedıkıýr, tipti, 42,9%-ǵa ósip ketti. Osy sáýirdegi ósim qalanyń jyldyq dınamıkasyn aıqyndap berdi: manıkıýr +23,1%, pedıkıýr +48%.

Foto: DataHub

Aıta keteıik, Qazaqstan boıynsha jalpy jyldyq ósim de joǵary. Mysaly, manıkıýr 19%-ǵa, pedıkıýr 19,8%-ǵa qymbattaǵan.

Qyzyǵy, dál osy ýaqytta manıkıýr men pedıkıýrge arnalǵan qural-saımandar ımporty azaıyp barady. 2024 jyldyń qorytyndysy boıynsha ımport kólemi tonnamen de, dollarmen de shamamen eki esege qysqarǵan. Al 2025 jyldyń alǵashqy eki aıynda fızıkalyq kólemi ótken jylmen salystyrǵanda 29%-ǵa, aqshalaı esepte 61%-ǵa tómendegen.
Eske salaıyq, buǵan deıin qazaqstandyqtar Almatyda jańadan qazylǵan kartop baǵasynyń qymbattaýynabaılanysty áleýmettik jelide narazylyqtaryn bildirgen edi. Jaqynda áleýmettik jelide boıjetken qazaqstandyq sýpermarketterdiń birinde jańadan qazylǵan kartop baǵasynyń qymbattaǵanyn aıtyp, vıdeo jarııalady. Onyń aıtýynsha, jańadan qazylǵan kartoptyń bir kelisiniń baǵasy 1 300 teńgege jýyqtaıdy. Ol kartoptyń qunyn pomelo men greıpfrýt sııaqty jemistermen salystyrdy.