Qazaqstanda dıpfeık úshin aıyppul salynady

Jasandy ıntellekt týraly zań jobasynyń avtory, depýtat Ekaterına Smyshlıaeva Qazaqstanda adamnyń daýsyn nemese beınesin qoldan jasap, aldaý maqsatynda paıdalanatyn dıpfeık tehnologııasy úshin aıyppul salynatynyn málimdedi. Bul týraly qandastar.kz saıty habarlaıdy.

Depýtattyń aıtýynsha, dıpfeıkter qoǵam pikirine áser etip, adamdardy adastyrýy múmkin. Sondyqtan mundaı tehnologııalardy qoldanýǵa tyıym engiziledi. Ásirese buqaraǵa tanymal adamdar jıi zardap shegedi, óıtkeni olardyń jeke derekteri kelisimsiz paıdalanylady.

«Biz bul tyıymdy zań jobasyna engizdik. Qazir dıpfeık jasaýǵa múmkindik beretin júıelerdiń ıelerine 15-ten 100-ge deıin aılyq eseptik kórsetkish kóleminde aıyppul salý qarastyrylyp otyr (shamamen 59 myńnan 393 myń teńgege deıin). Bul kásipkerlik sýbektisine baılanysty bolady», – dedi depýtat Smyshlıaeva.

Qazirgi kezde májilis depýtattary dıpfeıkti taratý úshin Qylmystyq kodekste jaza qarastyrý kerek pe, joq pa degen máseleni talqylap jatyr.

«Jaza tek naqty quqyqbuzýshylyq quramy anyqtalǵannan keıin, tıisti kelisimderden ótken soń ǵana engiziledi. Qylmystyq kodeks óte mańyzdy qural, ony óte muqııat qoldaný kerek», – dedi depýtat.