Jańalyqtar
Soltústikke kóshetin 5 otbasy anyqtaldy
«Dauletten» qaıyrymdylyq qory tarapynan qasıetti Ramazan aıynda «BALA-ShAǴAMEN SOLTÚSTIKKE» jobasy bastaý alǵan bolatyn. Joba barysynda 5 otbasyny Soltústik óńirge kóshirý josparlanǵan. Jobaǵa 2022 jyldyń 5-15 sáýir aralyǵynda 1311 ótinim keldi. Alǵashqy kezeńde ótinim bergen qatysýshylardyń arasynan joǵary ball jınaǵan 20 otbasy tańdalyp, psıholog mamanmen suhbat júrgizdi.
Kelesi irikteý kezeńine jıyny 10 otbasy ótken bolatyn. Sońǵy kezeńde joba qatysýshylarymen qordyń qamqorshylyq keńes músheleri, sondaı-aq QR Parlament Senat dýpattary, Nur-Sultan qalalyq máslıhat depýttary, qoǵam belsendileri, jýrnalıstermen suhbat júrgizdi. Onyń ishinde Dana Nurjigit, Lázzat Muratqyzy, Dosymjan Tańatarov, Naǵashybek Aldan jáne t.b. tulǵalar qatysty. Qonys aýdaratyn jandardyń atqaratyn jumystaryna, bıznes ıdeıalaryna mán berildi. «Bala-shaǵamen Soltústikke» jobasynda úzdik tanylǵan 5 otbasy:
1. Sultamuratov Amanjol — Nurǵalıeva Gúlzıra
Jambyl oblysy, Jambyl aýdany, Asa aýyly
6 balaly otbasy
2. Áıtimov Aıdos- Satybaldıeva Álııa
Shymkent qalasy
7 balaly otbasy
3. Salqymbaı Eldar — Muhametjan Aıkúmis
Almaty oblysy, Qarasaı aýdany, Eltaı aýyldyq okrýgi
5 balaly otbasy
4. Baımyrzaev Abzal — Mahanova Perızat
Almaty oblysy, Qarasaı aýdany, Shamalǵan beketi
5 balaly otbasy
5. Baıǵulov Muratbaı- Uzaqova Gúlnur
Mańǵystaý oblysy, Munaıly aýdany, Besshoqyaýyly
6 balaly otbasy
Eske sala keteıik, qor tarapynan joba qatysýshylaryna beriletin kómek:
- Aýyldan úı alynady;
- Jarty jyl kóleminde 60 000 teńge tólenip otyrady;
- Kásip bastaýǵa qor tarapynan 1 000 000 teńge beriledi;
- Oqýshy balalardyń JAŃA oqý jylyna mektep qural-jabdyqtary alynady;
- Úıiniń aýlasyna kartop, sábiz, oramjapyraq egýge bir rettik dáni (semena) alynady;
- Qys bastalǵanda birinshi jyly 8-10 tonna kómir beriledi;
- Kóshý, jol shyǵyndary tolyǵymen qor tarapynan tólenedi;
- Kóshken aýylda 3 jyl turatyn bolsa, úı atyna aýdarylady. Oǵan deıin baspana qordyń jeke menshiginde bolady.
Joba barysynda tańdalǵan ár otbasy úshin bul tańdaý – úlken múmkindik. Dáýlettiń qaıyrymdy oqyrmandarynyń arqasynda olar endi jańa ómir bastaıdy. Aýyl ómiriniń órkendeýine atsalysyp, bul jobaǵa erekshe jaýapkershilik tanytady degen senimdemiz.
