جۇمىسپەن قامتۋ

جاستاردىڭ جۇمىسسىز جۇرگەنىنە كىم كىنالى?

NEET ساناتىنداعى جاستاردى ەلىمىزدىڭ الەۋمەتتىك-ەكونوميكالىق ومىرىنە تارتۋ ماسەلەلەرى بويىنشا الماتى قالاسىنداعى تۇران ۋنيۆەرسيتەتىندە «NEET جاستارى: ق ۇلىقسىز جاستاردى قالاي ىنتالاندىرامىز?» تاقىرىبىندا ساراپتامالىق پىكىرتالاس ءوتتى. ءىس-شارا «جاستاردى الەۋمەتتەندىرۋ جانە وڭالتۋ» جوباسى اياسىندا باستاۋ الدى.

ءىس-شارا شىمىلدىعىن تۇران ۋنيۆەرسيتەتىنىڭ دوتسەنتى, ف.ع.ك. گۇلجان قاجىمۇراتقىزى اشىپ بەردى. ول بۇگىنگى تاڭداعى جاستار اراسىنداعى وزەكتى ماسەلەلەردىڭ وسىنداي جوبالار ارقىلى شەشىمىن تاپقانى ەل ەرتەڭى ءۇشىن ءتيىمدى بولارىن اتاپ ءوتتى:

“بۇگىنگى كۇنى جاستار اراسىندا بىرقاتار پروبلەمالار بار. اسىرەسە NEET ساناتىنداعى جاستاردىڭ جاعدايى ءبىزدى الاڭداتپاي قويمايدى. وسى جوبا NEET ساناتىنداعى جاستار ۇلەسىن تومەندەتۋ ماقساتىندا كەشەندى شارالار ۇيىمداستىرىپ جۇرگەنى ءبىزدى قۋانتادى. جاستارعا باعىت-باعدار بەرىپ, جول كورسەتۋىمىز كەرەك» دەيدى گۇلجان قاجىمۇراتقىزى.

ساراپتامالىق پىكىرتالاسقا الماتى قالاسى اكىمدىگىنىڭ «حالىقتى جۇمىسپەن قامتۋ ورتالىعى» وكىلدەرى, «اتامەكەن» كاسىپكەرلەر پالاتاسىنىڭ قىزمەتكەرلەرى, مادەنيەتتانۋشى, جۋرناليستەر, قوعام بەلسەندىلەرى مەن جاستار قاتىستى.

تالقىلاۋدا قاتىسۋشىلار جاستاردىڭ جۇمىس جانە وقۋعا كەلگەندە بەلسەندىلىك تانىتپاۋ سەبەپتەرى, NEET ساناتىنداعى جاستارعا قولداۋ كورسەتۋ جانە كاسىبي باعدارلاۋ تۇرلەرى, جاستاردى      ەڭبەككە بەيىمدەۋ ماقساتىندا شارالار تۋرالى تاقىرىپتاردى قوزعادى.

«ءبىزدىڭ جاستارعا, بيزنەس اشامىن دەۋشىلەرگە ۇكىمەتتىڭ بەرگەن مۇمكىندىن كوبى پايدالانۋدى بىلمەيدى. بۇرىن جىل سايىن ءبىزدىڭ ۇيىمنان 2000 ادام گرانت ۇتىپ الاتىن. ال قازىر ازايىپ بارادى. تەك ءدال سونداي گرانت ءۇشىن كونكۋرسقا قاتىساتىنداردىڭ باسىم بولىگىندە بيزنەسى بار. ال جۇمىسسىز جۇرگەن جاستار قايدا?نەگە مۇمكىندىكتى پايدالانبايدى? ءبىز كەز-كەلگەن ادامعا كومەكتەسۋگە دايىنبىز»,- دەيدى الماتى قالاسىنىڭ كاسىپكەرلەر پالاتاسى كاسىپكەرلىكتى قارجىلىق ەمەس قولداۋ ءبولىمىنىڭ باسشىسى ناريمان تۇگەلباي ۇلى.

كەزدەسۋ بارىسىندا بۇگىنگى كۇنى ەڭبەك نارىعىنداعى قاجەتتى ماماندىقتار جانە قاي سالانى بەلسەندى دامىتۋ كەرەك, جاستاردى كاسىپكەرلىك قىزمەتكە وقىتۋ, كاسىپكەردىڭ قاجەتتى داعدىلارى, جاستارعا بەرىلگەن مۇمكىندىك پەن سونى قالاي دۇرىس پايدالانۋ كەرەكتىگى جايىندا ءسوز بولدى.

«ستۋدەنتتەر وقۋىن بىتىرگەننەن كەيىن ماماندىعى بويىنشا جۇمىس ىستەگىسى كەلمەيدى. ءبىزدىڭ «جۇمىسپەن قامتۋ ورتالىعى» جىل سايىن ءتىزىم بويىنشا ستۋدەنتتەرگە جۇمىس بەرۋ ماقساتىندا حابارلاسامىز. الايدا باسىم بولىگى جۇمىسقا ق ۇلىقسىز ەكەندىگىن ءبىلدىرىپ, باس تارتادى. ءبىزدىڭ تاراپتان كوپتەگەن ءجۇمىستار اتقارىلىپ جاتىر, تەك جاستار ەڭبەكتەنسە ەكەن»,-دەيدى «حالىقتى جۇمىسپەن قامتۋ ورتالىعىنىڭ» قىزمەتكەرى جانسايا جارىلقاسىن.

شارا ۇيىمداستىرۋشىسى قر اقپارات جانە قوعامدىق دامۋ مينيسترلىگى مەن ازاماتتىق باستامالاردى قولداۋ ورتالىعىنىڭ قولداۋىمەن «ادىرنا» ۇلتتىق-ەتنوگرافيالىق بىرلەستىگى» قوعامدىق قورى.

وسى ايداردا

دوباۆيت كوممەنتاري

Close