Jańalyqtar
«NEET jastary: qulyqsyz jastardy qalaı yntalandyramyz?»
Taldyqorǵan qalasynda «Jastardy áleýmettendirý jáne ońaltý» jobasy aıasynda NEET sanatyndaǵy jastardy elimizdiń áleýmettik-ekonomıkalyq ómirine tartý máseleleri boıynsha «NEET jastary: qulyqsyz jastardy qalaı yntalandyramyz?» taqyrybynda pikirtalas ótti.
Atalǵan is-shara 2022 jyldyń 17-mamyrynda QR Aqparat jáne qoǵamdyq damý mınıstrligi men Azamattyq bastamalardy qoldaý ortalyǵynyń qoldaýymen «Adyrna» UEB» QQ «Jastardy áleýmettendirý jáne ońaltý» jobasy aıasynda ótkizildi.
Joba jastardyń jumys jáne oqýǵa kelgende belsendilik tanytpaý sebepteri, jobalyq keńse tarapynan jastarǵa kómek berý jáne kásibı baǵdarlaý túrleri, NEET jastarynyń qordalanǵan máseleleriniń sheshý joldaryn qarastyrýǵa baǵyttalǵan.
Uıymdastyrylǵan pikirtalastyń maqsaty – jastardy bolashaq ómirlik josparlaryna yntalandyrý jáne shyǵarmashylyq áleýetti damytý jolynda týyndaǵan áleýmettik máselelerge qatysty arnaıy, bilikti mamandardan jaýap alý.
Pikirtalasqa «Jastar bastamalaryn damytý jáne NEET tobymen jumys» bóliminiń basshysy Móldir Erlanqyzy, Atameken palatasynan Aıdyn Amankeldiuly, Taldyqorǵan Polıtehnıkalyq kolledjiniń dırektory Muqajanov Erqat, professor Ǵalym Taıgýlov jáne orta bilim aıaqtaýshy túlekter, stýdentter, jumyssyz jastar qatysty.
«Bizdiń negizgi maqsatymyz — bolashaq básekege qabiletti, joǵary mádenıetti, zaıyrly, áleýmettik belsendi jáne adamgershiligi joǵary sapadaǵy azamattardyń bastamalaryn qoldaý, NEET sanatyndaǵy jastarmen jumys jasaý, olardyń sanyn azaıtý bolyp tabylady. Qazirgi tańda osy baǵyt boıynsha qarqyndy jumys jasaýdamyz» dedi Móldir Erlanqyzy.
Pikirtalas barysynda búgingi kúni eńbek naryǵyndaǵy qajetti mamandyqtar jáne qaı salany belsendi damytý kerek, jastardy kásipkerlik qyzmetke oqytý, kásipkerdiń qajetti daǵdylary, jastarǵa berilgen múmkindik pen sony qalaı durys paıdalaný kerektigi jaıynda jastar mamandarǵa suraq qoıyp, jaýap aldy.
«Ekonomıkanyń mańyzdy sektory kásipkerlikti ósirý, órkendetý jáne nyǵaıtý. О́ńirlik keńes palata dırekııasyna memlekettik bılik organdarymen, úkimettik emes, qoǵamdyq jáne halyqaralyq uıymdarmen ózara is-qımyl jasaýǵa, basqarý organdary qabyldaǵan baǵdarlamalyq qujattardy iske asyrýǵa járdemdesemiz. Kez-kelgen jas býyn bizdiń kómegimizge, qyzmetimizge óz bastamasy arqyly júgine alady» dep pikir bildirdi Aıdyn myrza.
Professor Taıgýlov jastarǵa motıvaııa berip, qazirgi zamanǵy osyndaı problemalardyń paıda bolýyna mekteptegi fýndamentaldy bilimniń jetkiliksizdigien dep atap ótti:
«Men negizinen Qazaq pedagog-aǵartýshysy Ybyraı Altynsarınniń ustanymy boıynsha ómir súremin. Biz, pedagogtar, qazaqstandyq jastardyń oılaý vektoryn tek «alǵa» baǵyttaýymyz kerek. Iaǵnı, mekteptegi túpkilikti bilim jastardyń orta býyn ýaqytyndaǵy qalyptasýyna áser etedi. Olardyń jumys isteýge degen qulyqsyzdyǵy, belsendi ómirge umtylmaýyna onyń ortasy, biz bergen bilim men tárbıe berip otyrǵan ata-anasynyń da yqpaly bar, — dedi ol.
