«Jastarǵa múmkindik!»

Qostanaı qalasy Jastar saraıynda saǵat 11:00 de «Jastarǵa múmkindik!» taqyrybynda kezdesý ótedi. Is-shara QR Aqparat jáne qoǵamdyq damý mınıstrligi men «Azamattyq bastamalardy qoldaý ortalyǵynyń» qoldaýymen «Adyrna» UEB» QQ «Jastardy áleýmettendirý jáne ońaltý» jobasy aıasynda ótedi. NEET sanatyndaǵy jastardy elimizdiń áleýmettik-ekonomıkalyq ómirine tartý máseleleri qarastyrylady.

NEET sanatyndaǵy jastar arasyndaǵy qarym-qatynasty nyǵaıtyp, ıdeıalardy taratyp, jastardyń jumysqa, oqýǵa belsendilik tanytpaý sebepteri, jobalyq keńse tarapynan jastarǵa kómek berý jáne kásibı baǵdarlaý túrleri, NEET jastarynyń qordalanǵan máseleleriniń sheshý joldaryn qarastyrýǵa baǵyttalǵan.
Is-sharanyń maqsaty kóteriletin máseleler arqyly jastardy bolashaq ómirlik josparlaryna yntalandyrý jáne shyǵarmashylyq áleýetti damytý.
Is-shara spıkeri Nurmahan Sopbekov. Bilim berý proesine jáne jumyspen qamtýǵa tartylmaǵan jastarǵa mansap jáne jeke ósý úshin ómirlik daǵdylardy damytýdaǵy tájirıbelerimen bólisedi.
Sonymen qatar, pikirtalas halyqty jumyspen qamtý ortalyǵy, kásipkerler palatasy, jastar resýrstyq ortalyǵy syndy mekemelerdiń qatysýymen ótedi.
Kezdesý barysynda búgingi kúni eńbek naryǵyndaǵy qajetti mamandyqtar jáne qaı salany belsendi damytý kerek, jastardy kásipkerlik qyzmetke oqytý, kásipkerdiń qajetti daǵdylary, jastarǵa berilgen múmkindik pen sony qalaı durys paıdalaný kerektigi jaıynda sóz bolady.

Qosymsha aqparat úshin:
Aıdar Hamıt +7 747 926 02 60
Elektrondyq poshta: jasadyrna@gmail.com