«KPI Inc.» JShS qyzmetkerleri arnaıy baǵdarlama arqyly baspanaly boldy

28 shilde kúni «Kazakhstan Petrochemical Industries Inc.» JShS qyzmetkerlerine Atyraý qalasyndaǵy «Franýz oramy» turǵyn úı kesheninen jańa páterlerdiń kilti tabystaldy.

Saltanatty rásimge «QazMunaıGaz» UK AQ Basqarma tóraǵasy Maǵzum Myrzaǵalıev jáne «Kazakhstan Petrochemical Industries Inc.» JShS Basqarma tóraǵasy Danııar Tıesov qatysty.
О́ndiriske isker mamandardy tartý jáne olardy yntalandyrý maqsatynda «KPI Inc.» JShS turǵyn úı baǵdarlamasyn daıyndaǵan. Jańa turǵyn úı paıyzsyz jáne bastapqy jarnasyz bólip tóleý arqyly beriledi.

«Jaqyn arada elimizde úlken óndiris — polıpropılen óndiretin zaýyt iske qosylady. Bolashaqta ony turaqty paıdalaný úshin bizge qyzmetkerlerdiń mol tájirıbesi men sabaqtastyǵy óte mańyzdy. Sondyqtan «Samuryq-Qazyna» qory, «QazMunaıGaz» jáne KPI kompanııasy arnaıy turǵyn úı baǵdarlamasyn ázirlep, óndiristegi qyzmetkerlerge qoldaý kórsetý jáne qajetti jaǵdaı jasaý úshin jańa páterlerdi usyndy», — dep atap ótti M. Myrzaǵalıev.

Jaıyq ózeniniń jaǵasynda ornalasqan az qabatty turǵyn úı kesheniniń 1, 2 jáne 3 bólmeli páterleri taza, árlengen kúıinde tapsyryldy.
Abattandyrylǵan aýlada balalar alańy, basketbol-voleıbol sport alańdary jáne jeke qazandyǵy ornatylǵan.

Atyraýǵa sapary barysynda M.Myrzaǵalıev polıpropılen óndiretin «KPI Inc.» JShS zaýytyna da bardy.

Onda propılendi polımerleý, qoımada propan men daıyn ónimdi saqtaý (býyp-túıý jáne býyp-túıý toraby), ortalyq operatorlyq jáne ákimshilik-turmystyq korpýs jumysymen tanysty.

Qazirgi ýaqytta jobanyń jalpy progresi 99,40%-dy quraıdy, zaýytta iske qosý-retteý jumystary aıaqtalýda. Kásiporyn qýaty jylyna 500 myń tonna polıpropılen óndire alady.

Budan basqa, Basqarma tóraǵasy «Býtadıen» jobasyn iske asyrýǵa arnalǵan alańǵa bardy. «Býtadıen» JShS Bas dırektory Dıaz Dııanov QMG basshylyǵyna bolashaq nysannyń ornynda júrgiziletin jumystardy tanystyrdy.

Esterińizge sala keteıik, 2021 jyldyń qarasha aıynda «QazMunaıGaz» ben «Tatneft» kompanııasy býtadıen kaýchýkterin óndirý boıynsha birlesken kásiporyn qurdy. Kásiporynnyń josparlanǵan qýaty – jylyna 66 myń tonnaǵa deıin býtadıen men 83 myń tonnaǵa deıin sıntetıkalyq kaýchýk jáne basqa da ónimder óndirý.

Jobanyń aldyn ala quny 916 mln AQSh dollarǵa baǵalandy, aıaqtalý merzimi — 2025 jyl.
Qazirgi ýaqytta joba boıynsha geodezııa jáne geologııa boıynsha jumystar júrgizildi, kásiporyn óndiristik obektiler men jalpy zaýyttyq sharýashylyqty jobalaýǵa kiristi.

Býtadıen kaýchýkterin óndirýge arnalǵan shıkizat Qazaqstannyń Teńiz jáne Korolev ken oryndarynan jetkiziledi, dep boljanýda. Daıyn ónimdi Qaraǵandy oblysyndaǵy Shına zaýytyna, sondaı-aq Eýropa elderine, Reseıge, Qytaıǵa, Túrkııaǵa jáne t. b. elderge eksporttaý josparlanyp otyr.

Polıpropılen óndiretin zaýyt jáne «Býtadıen» jobasy ıntegraııalanǵan gaz-hımııa kesheniniń (IGHK) aýmaǵynda iske asyrylýda.