قر ۇلتتىق باسكەتبول فەدەراتسياسى جاڭا باسشىنى تاعايىندادى

بۇگىن نۇر-سۇلتاندا قر ۇلتتىق باسكەتبول فەدەراتسياسىنىڭ كەزەكتەن تىس كونفەرەنتسياسى ءوتتى. ءىس-شاراعا قر مادەنيەت جانە سپورت ۆيتسە-ءمينيسترى س.جاراسباەۆ, قر ۇوك, وڭىرلىك فەدەراتسيالاردىڭ وكىلدەرى جانە ۇيىمنىڭ اتقارۋشى كوميتەتىنىڭ مۇشەلەرى قاتىستى.

كونفەرەنتسيا بارىسىندا بارلىق قاتىسۋشىلاردىڭ ءبىراۋىزدان شەشىمىمەن قر ۇفب جاڭا باسشىسى اباي ابديسامەت ۇلى الپامىسوۆ بولدى. بۇرىن, 2013 جىلدان 2017 جىلعا دەيىن ول وسى فەدەراتسيانىڭ پرەزيدەنتى قىزمەتىن اتقاردى.

ءوز سوزىندە ۇيىم باسشىسى وزىنە كورسەتىلگەن سەنىم ءۇشىن العىسىن ءبىلدىردى.

«قىركۇيەك ايىنىڭ سوڭىنا قاراي ءبىز كەشەندى باعدارلاما ازىرلەيمىز, وندا وڭىرلىك, 3ح3 كوماندالاردىڭ, قۇراما پروبلەمالارىن شەشۋ جولدارى, كلۋبتاردى قولداۋ قامتىلادى. بۇل جولدان جالعىز ءوتۋ مۇمكىن ەمەس, سوندىقتان سىزدەردىڭ قولداۋلارىڭىزعا سەنەمىن», — دەدى ا.الپامىسوۆ.

ەستەرىڭىزگە سالا كەتەيىك, 2017 جىلدان باستاپ اعىمداعى جىلدىڭ قاڭتار ايىنا دەيىن ۇلتتىق باسكەتبول فەدەراتسياسىنىڭ پرەزيدەنتى قىزمەتىن ديماش دوسانوۆ اتقاردى.

انىقتاما:
ا.الپامىسوۆ م. ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ ەسەپتەۋ ماتەماتيكاسى جانە كيبەرنەتيكا فاكۋلتەتىن بىتىرگەن. ەكونوميكا عىلىمدارىنىڭ كانديداتى.

قازاقستان رەسپۋبليكاسىنىڭ مەملەكەتتىك قىزمەتىندە جۇمىس تاجىريبەسى بار. قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگىندە مەملەكەتتىك اكتيۆتەردى باسقارۋ ساياساتى دەپارتامەنتىنىڭ ديرەكتورى, قازاقستان رەسپۋبليكاسى ەسەپ كوميتەتى اپپاراتى باسشىسىنىڭ ورىنباسارى لاۋازىمىن اتقاردى.

باسشىلىق قىزمەتتەردە جۇمىس ىستەدى جانە قازاقستان رەسپۋبليكاسىنىڭ ءىرى ۇلتتىق كومپانيالارىندا باسقارما مۇشەسى بولدى. قازاقستان رەسپۋبليكاسىنىڭ ەكىنشى دەڭگەيدەگى بانكتەرىندە باسشى قىزمەتتەردە جۇمىس ىستەدى. ەڭ جاقسى ەكونوميكالىق زەرتتەۋلەر ءۇشىن دۇنيەجۇزىلىك بانك سىيلىعىمەن ماراپاتتالعان.