«جەتىستىككە جەتۋ ءۇشىن جاستاردى ءجاسوسپىرىم شاقتان جەتەلەۋ قاجەت!»

اقتوبە قالاسى, جاستار رەسۋرستىق ورتالىعىندا «جاستارعا مۇمكىندىك!» تاقىرىبىندا كەزدەسۋ ءوتتى.

ءىس-شارا قر اقپارات جانە قوعامدىق دامۋ مينيسترلىگى مەن «ازاماتتىق باستامالاردى قولداۋ ورتالىعىنىڭ» قولداۋىمەن «ادىرنا» ۇەب» قق «جاستاردى الەۋمەتتەندىرۋ جانە وڭالتۋ» جوباسى اياسىندا ءوتتى.

ءىس-شارانىڭ ماقساتى كوتەرىلەتىن ماسەلەلەر ارقىلى جاستاردى بولاشاق ومىرلىك جوسپارلارىنا ىنتالاندىرۋ جانە شىعارماشىلىق الەۋەتتى دامىتۋ.

كۇن تارتىبىندە جاستاردىڭ جۇمىس جانە وقۋعا كەلگەندە بەلسەندىلىك تانىتپاۋ سەبەپتەرىن انىقتاۋ, جاستارعا كومەك بەرۋ جانە كاسىبي باعدارلاۋ تۇرلەرى, ەڭبەك نارىعىنداعى قاجەتتى ماماندىقتار, جاستاردى كاسىپكەرلىك قىزمەتكە وقىتۋ, جاستارىنىڭ قوردالانعان ماسەلەلەرى تۋرالى كەزدەسۋ بولدى.

كەزدەسۋگە اقتوبە قالاسى اكىمىنىڭ ورىنباسارى ايبەك كوپەنوۆ قاتىستى. ول جينالعان جاستارعا:

«كەلەشەكتىڭ كەمەلدىگى بۇگىنگى جاس ۇرپاقتىڭ تالپىنىسىنا, ىنتاسىنا, الدىعا قويعان ارمان-ماقساتىنا, وعان ۇمتىلۋىنا بايلانىستى. مەملەكەت باسشىسى جاستاردىڭ ءبىلىم الۋىنا, العا ۇمتىلۋىنا قاشان دا جاعداي جاساپ ءتۇرلى باعدارلامالار, جوبالار ۇيىمداستىرىپ وتىرادى. مىنە, سول مۇمكىندىكتى پايدالانعان ابزال. اقتوبەلىك جاستاردىڭ اراسىندا جەتىستىككە ۇمتىلعان جاستار سانى قانشاما. مىنە وسى جاس بۋىننىڭ بۇگىن قانات قاعىپ, دىتتەگەن ويلارىنا جەتۋگە قادام جاساتيىن كەزدەرى كەلگەن سىڭايلى» دەدى اتالعان شارانىڭ ماڭىزدىلىعى جايلى ءسوز قوزعاپ.

سونىمەن قاتار شاراعا اقتوبە قالالىق ءماسليحاتىنىڭ حاتشىسى انار نۇرلىبەكقىزى قاتىسىپ بۇگىنگى جاستار اراسىندا قوردالانعان ماسەلەلەر جايلى ءسوز قوزعادى:

«جاستاردىڭ بوس ءجۇرۋى, جۇمىسسىز بولۋى قوعام دەرتىنە اينالدى. نەگە دەسەك, بۇگىندە دايىنعا كوپ جۇگىرەتىن, ەڭبەك ەتكىسى كەلمەيتىن جاس بۋىننىڭ دەنى جاسوسپىرىمدەر. ياعني, سول شاقتان باستاپ ولاردىڭ ومىرگە دەگەن تالپىنىسى مەن ماقسات-مۇددەسىن اشىق انىقتاپ, قولداۋعا مىنا ءبىز اتا-انالار جاستايىنان ات سالىسۋىمىز قاجەت دەپ بىلەمىن»,- دەدى ول.

ونىمەن قوسا, كەزدەسۋ بارىسىندا بۇگىنگى كۇنى ەڭبەك نارىعىنداعى قاجەتتى ماماندىقتار جانە قاي سالانى بەلسەندى دامىتۋ كەرەك, جاستاردى كاسىپكەرلىك قىزمەتكە وقىتۋ, كاسىپكەردىڭ قاجەتتى داعدىلارى, جاستارعا بەرىلگەن مۇمكىندىك پەن سونى قالاي دۇرىس پايدالانۋ كەرەكتىگى جايىندا اتامەكەن كاسىپكەرلىك پالاتاسىنىڭ وكىلى دينارا بايانوۆنا مەن جۇمىسپەن قامتۋ ورتالىعىنىڭ قىزمەتكەرلەرى قاتىسىپ, جاستاردىڭ قويعان ساۋالعا جاۋاپ بەردى.

جينالعان قاتىسۋشىلار ءوز كاسىبىن قالاي اشۋعا بولاتىنىن, باستاماعا مەملەكەت تاراپىنان قانداي قولداۋ كورسەتىلەتىندىگى جايلى ساۋالدار قويىپ, وكىلەتتى ورگان وكىلدەرىنەن جاۋاپ الدى.

ءىس-شاراعا «CompasTelecom» كومپانياسىنىڭ قۇرىلتايشىسى ءانۋار تولەپباي دا قاتىستى. بەلەڭ العان ماسەلە تۋرالى ول:

«NEET جاستارىمەن جۇمىس نەشىنشى جىلدان بەرى جۇيەلى تۇردە جاسالىپ كەلەدى. ول ارينە بارشامىزدى قۋانتادى. سەبەبى ق ۇلىقسىز, جۇمىسسىز جاستاردىڭ قوعامنان ازايۋى ارقىلى ەلىمىزگە ءوز پايداسىن تيگىزەتىن, كەلەشەكتە جاقسى جاعىنان ءوزىن كورەسەتە بىلەتىن جاستاردىڭ بولعانى ابزال. ولار ءوز ىستەرىن باستاپ, ويعا العان باستامالارىن اشىپ, قوعامعا پايداسىن تيگىزسە ودان اسقان باقىت جوق»,-  دەدى.