16 jasqa deıingi balalardyń YouTube-ta tikeleı efır júrgizýine tyıym salynady

Foto: freepik.com

YouTube tikeleı efır júrgizý erejelerin jańartty. Endi 16 jasqa deıingi balalar eresek adamsyz jeke efır júrgize almaıdy. Bul týraly Qandastar.kz aqparat agenttigi habarlaıdy.

YouTube vıdeohostıngi 22 shildeden bastap tikeleı efır júrgizý úshin eń tómengi jas mólsherin 16 jasqa deıin kóteredi. Jas shekteýinen kishi jastaǵy qoldanýshylar tek eresek adamnyń qasynda efır júrgize alady.

«Eresek adam tikeleı efırde anyq kórinip, sizdermen qatar efırge qatysýy tıis», – delingen YouTube habarlamasynda.

Jańa erejeni buzǵan jasóspirimderdiń tikeleı efır júrgizý men tikeleı chatta qatysý quqyǵy shekteledi. YouTube buzýshylyqtary bar efırlerdi óshirip otyratynyn málimdedi.

«Shekteýleri bar akkaýnttar basqa arnada tikeleı efır júrgize almaıdy. Muny jasaýǵa tyrysqandardyń aakkaýnttary óshirilýi múmkin», – delingen eskertýde.