جاڭالىقتار

«قازمۇنايگاز» باسشىسى ماعزۇم مىرزاعاليەۆ: كومپانيانىڭ ەڭ باستى كاپيتالى – قىزمەتكەرلەر

«قازمۇنايگاز» ۇك» اق باسقارماسىنىڭ توراعاسى ماعزۇم مىرزاعاليەۆ مۇناي-گاز كەشەنى قىزمەتكەرلەرىن كاسىبي مەرەكەسىمەن قۇتتىقتادى.

ءوز قۇتتىقتاۋىمەن ماعزۇم مىرزاعاليەۆ Twitter-دەگى پاراقشاسىندا ءبولىستى.

مۇناي سالاسى ءۇشىن بيىل ەلەۋلى جىل. قازاق مۇنايىنىڭ باستاۋىندا تۇرعان «ەمبىمۇنايگاز» اق 100 جىلدىق مەرەيتويىن اتاپ ءوتتى. ەمبى مۇنايشىلارى وسى ۋاقىتتا 188 ملن توننادان استام قارا التىن ءوندىردى, دەپ جازدى ول.

سونداي-اق, مىرزاعاليەۆ بيىل «قازمۇنايگاز» كومپانياسىنىڭ قۇرىلعانىنا 20 جىل تولىپ وتىرعانىن باسا اتاپ ءوتتى.

وسى ۋاقىتتا «قازمۇنايگاز» كاسىپورىندارى ءوندىرىستى 3 ەسەگە جۋىق ارتتىردى. 347 ملن توننا ءونىم ءوندىرىلدى, 227 ملن توننا وڭدەلدى. 20 جىلدا كومپانيا اكتيۆتەرى 7,5 ەسە, جىل سايىنعى تازا پايدا 5 ەسە ءوستى. جەراستى بايلىعىن بارلاۋ, يگەرۋ, دامىتۋ – قاجىر-قايرات پەن ءبىلىمدى, تاباندى ەڭبەكتى تالاپ ەتەدى. بۇگىندە «قازمۇنايگاز» كومپانيالار توبىندا 60 مىڭعا جۋىق ادام ەڭبەك ەتەدى, — دەيدى ول.

ونىڭ ايتۋىنشا, كومپانيانىڭ ەڭ باستى كاپيتالى – قىزمەتكەرلەرى.

وسىنداي سان قىرلى ءوندىرىس سىنىنا توتەپ بەرىپ, جازدىڭ اپتاپ ىستىعى مەن قىستىڭ قاھارلى سۋىعىنا قاراماي, ەل يگىلىگىنە قىزمەت ەتەتىن مۇنايشىلاردى كاسىبي مەرەكەسىمەن قۇتتىقتاي وتىرىپ, زور دەنساۋلىق, ەڭبەكتەرىنە تابىس, شاڭىراقتارىنا قۇت-بەرەكە تىلەيمىن! ماعزۇم مىرزاعاليەۆ

وسى ايداردا

دوباۆيت كوممەنتاري

Close