Jańalyqtar

Mańǵystaý oblysynda О́zen ken ornyn ońaltý máseleleri qaraldy

2022 jyldyń 9 qyrkúıeginde Mańǵystaý oblysynda О́zen ken ornyn ońaltý máselelerine arnalǵan jıyn ótti. Sharaǵa «QazMunaıGaz» UK AQ Basqarma tóraǵasy Maǵzum Myrzaǵalıev, «О́zenmunaıgaz» AQ bas dırektory Maqsat Ibaǵarov, «QMG Injınırıng» JShS bas dırektory Baqytjan Hasanov, munaı-gaz salasynyń ardagerleri, geologtar, qoǵam qaıratkerleri jáne Jańaózen qalasynyń depýtattary qatysty.

Eske sala keteıik, QR Prezıdenti Qasym-Jomart Toqaev 2021 jyldyń qyrkúıeginde ótken Mańǵystaý oblysynyń áleýmettik-ekonomıkalyq damýy jónindegi keńeste «QazMunaıGaz» ulttyq kompanııasyna munaı ken oryndarynyń birte-birte tozýyna, 2030 jylǵa qaraı óndiriletin munaıdyń azaıýyna baılanysty óńirde geologııalyq-barlaý jumystarynyń jeke josparyn ázirleýdi tapsyrdy. Osyǵan baılanysty Memleket basshysynyń tapsyrmasyna sáıkes О́zen jáne Qaramandybas ken oryndaryn ońaltý josparynyń tujyrymdamasy ázirlendi.

Ken oryndardy ońaltý sharalary munaı óndirý deńgeıin kezeń-kezeńimen birneshe jylda 6-6,5 mln tonnaǵa jetkizip, osy kórsetkishti aldaǵy 10 jyl boıy saqtap turýǵa múmkindik beredi dep kútiledi.

«Ázirlenip jatqan jospar Jańaózen qalasynyń áleýmettik-ekonomıkalyq turaqtylyǵyn qamtamasyz etýge de eleýli úles qosady dep esepteımin», — dedi M.Myrzaǵalıev. «Búgingi kúni «О́zenmunaıgaz» munaı óndirý kórsetkishterin tolyq oryndaı almaı otyr. Tehnıkalyq jáne geologııalyq máselelerge baılanysty munaı óndirý kólemin birqalypty deńgeıde ustap turý qıynǵa soǵýda».

QMG basshysynyń aıtýynsha, jyl saıynǵy kúrdeli salymdardyń deńgeıine qaramastan, О́MG ken oryndarynda munaı óndirý kólemi azaıyp barady. Bunyń saldarynan kompanııanyń kirisi de tómendep, qazirgi qyzmetkerler sanyn saqtap qalýǵa jáne olarǵa eńbekaqy tóleý boıynsha áleýmettik mindettemelerdi oryndaý da qıyn bolady. M.Myrzaǵalıev «О́zenmunaıgaz» AQ munaı óndirý rentabeldiliginiń shegine 2024 jyly keletinin atap aıtty.

Aqtaý qalasyna jumys sapary barysynda M.Myrzaǵalıev Mańǵystaý oblysynyń kásipodaq basshylarymen kezdesti. Kezdesýde eńbek ujymdaryn kóp tolǵandyratyn máseleler, sonyń ishinde eńbekaqy jáne elektr energııasynyń kenishterde jıi óshirilýi talqylandy. QMG Basqarma tóraǵasy Jańaózen qalasyn damytýǵa baǵyttalǵan QMG jobalaryna bólek toqtaldy: «Astrahan-Mańǵyshlaq» magıstraldy sý qubyryn rekonstrýkııalaý jáne keńeıtý, Kendirlide sý tuщytý zaýytyn jáne Jańaózende jańa gaz óńdeý zaýytyn salý.

Jańaózen qalasyna áleýmettik qoldaý kórsetý aıasynda kompanııa eki sport kesheniniń qurylysyn aıaqtap qaldy, Oqýshylar saraıy jobasy boıynsha jumystar bastaldy jáne qalada 16 sport alańyn salý týraly sheshim qabyldandy. Budan bólek, ulttyq kompanııa «Jarqyn bolashaq» baǵdarlamasy boıynsha elimizdiń úzdik kolledjder men mektep-ınternattaryna oqýǵa qabyldanǵan Jańaózenniń daryndy balalaryna oqý men turý aqysyn tóleıdi.

Osy aıdarda

Dobavıt kommentarıı

Close