جاڭاوزەندەگى كوپبالالى وتباسىلاردان شىققان 177 بالا ەلىمىزدىڭ ۇزدىك كوللەدجدەرىنە قابىلداندى

«سامۇرىق-قازىنا» اق كومپانيالار توبىنىڭ قولداۋى اياسىندا «جارقىن بولاشاق» جوباسى ارقىلى جاڭاوزەن قالاسىنىڭ دارىندى بالالارى ەلىمىزدىڭ ارنايى ورتا ءبىلىم الۋ مەكەمەلەرىندە وقۋ تەگىن وقۋ مۇمكىندىگىنە يە بولدى.

قىركۇيەك ايىنىڭ باسىنان بەرى 149 وقۋشى قازاقستاننىڭ 11 قالاسىنداعى 44 كوللەدجدە ءبىلىم الۋدى باستادى. وقىتۋدىڭ نەگىزگى باعىتتارىنىڭ اراسىندا پوليتەحنيكالىق ماماندىقتار (19%), سونداي-اق كولىك پەن كوممۋنيكاتسياعا (18%), ەكونوميكا مەن تەحنولوگياعا (18%) بايلانىستى ماماندىقتار باسىم بولىپ وتىر. كەيبىر بالالار گۋمانيتارلىق ماماندىقتاردى (16%) جانە IT سالانى (14%) تاڭدادى.

تاعى 28 وسكەلەڭ ۇرپاق وكىلى باسقا باعىتتاردى قۇپ كوردى. ماسەلەن 12 بالا رەسپۋبليكالىق ونەر كوللەدجدەرىنە, التى وقۋشى وليمپيادالىق رەزەرۆتەگى رەسپۋبليكالىق سپورت مەكتەپ-ينتەرناتتارىنا تۇسسە, ون جاس بولاشاق مامان رەسپۋبليكالىق فيزيكا-ماتەماتيكا مەكتەبىنە ىرىكتەلدى.

«Bilim Foundation» قوعامدىق قورى ۇسىنعان جوبانى ەل ۇكىمەتى ماقۇلداعانىن اتاپ وتكەن ءجون. «جارقىن بولاشاق» جوباسىن ىسكە اسىرۋ مۇمكىندىگى «Samruk-Kazyna Trust» الەۋمەتتىك جوبالاردى دامىتۋ قورى مەن «قازمۇنايگاز» ۇك» اق قولداعان باستاما ارقاسىندا پايدا بولدى. جوبا بيۋدجەتى 292,5 ميلليون تەڭگەنى قۇرادى.

قايىرىمدىلىق كومەك وقۋ ورىندارىنىڭ جاتاقحانالارىندا تۇرۋ مەن وقۋ اقىسىنىڭ شىعىندارىن وتەيدى. بالالارعا شاكىرتاقى تولەنەدى, سونداي-اق ماۋسىمدىق كيىم ساتىپ الۋعا قارجىلاي كومەك كورسەتىلەدى. بەيىمدەلۋ كەزەڭىندە جوباعا قاتىسۋشىلارمەن ۇيلەستىرۋشى-كەڭەسشىلەر جۇمىس ىستەيدى.

اتالعان باستامانىڭ ماقساتى كوپبالالى, تولىق ەمەس, مۇگەدەكتىگى بار جاندار اسىراپ وتىرعان وتباسىلار, سونداي-اق پاتروناجدىق وتباسىلاردان شىققان بالالار سياقتى حالىقتىڭ الەۋمەتتىك وسال توپتارىن قولداۋ بولىپ تابىلادى.

ەسكە سالا كەتسەك, «سامۇرىق-قازىنا» اق قولداۋىمەن, جاڭاوزەن قالاسىنىڭ ونىنشى سىنىپتاعى 50 وقۋشىسى جاڭا وقۋ جىلىن «IQanat High School of Burabay» مەكتەپ-پانسيوناتىندا باستادى.

«Samruk-Kazyna Trust» الەۋمەتتىك جوبالاردى دامىتۋ قورى «سامۇرىق-قازىنا» اق كومپانيالار توبىنداعى بىرىڭعاي قايىرىمدىلىق وپەراتورى بولىپ سانالادى جانە ءوز قىزمەتىن كەلەسى باسىم باعىتتارعا سايكەس جۇزەگە اسىرادى:

• ادامدارعا الەۋمەتتىك جانە مەديتسينالىق سەكتورلاردا كومەك كورسەتۋ;
• مەديا, مادەني قوعامداستىقتى جانە ادامي الەۋەتتى دامىتۋ, قوعامنىڭ ورنىقتى دامۋىناينۆەستيتسيالار قۇيۋ;
• توپ كومپانيالارى جۇمىس ىستەيتىن ايماقتاردا الەۋمەتتىك ينۆەستيتسيالاردىڭ وڭىرلىكباعدارلامالارىن ىسكە اسىرۋ.