جاڭالىقتار

جۇمىسسىز جاستاردىڭ قاتىسۋىمەن سەمينار-ترەنينگ ءوتتى

الماتىدا «جاستاردى الەۋمەتتەندىرۋ جانە وڭالتۋ» جوباسىنىڭ اياسىندا بەلگىلى كاسىپكەر سىرىمبەك تاۋدىڭ قاتىسۋىمەن سەمينار-ترەنينگ ءوتتى. 

ءىس-شاراعا 160-قا جۋىق جاستار قاتىسىپ, جاڭا ءبىلىم يگەردى.

«ادىرنا» قوعامدىق قورى جوبا اياسىندا جاستارعا جىلدىق تابىسى 5 ملن دوللاردى قۇرايتىن, قازىرگى تاڭدا Yokohama جانە Triangle شينالارىنىڭ ديستريبيۋتورى — Daco motors KZ كومپانياسىنىڭ, SamgaPress باسپاسىنىڭ يەسى, تانىمال كاسىپكەر, ساياحاتشى — سىرىمبەك تاۋمەن كەزدەسۋگە مۇمكىندىك سىيلادى.

سىرىمبەك مىرزا سەميناردا كاسىپ باستاۋدىڭ قىر-cىرلارىمەن ءبولىسىپ, نەگىزگى قاجەتتى تىڭ اقپاراتتاردى ايتىپ, جاس بۋىنعا موتيۆاتسيا بەردى.

«جەتىستىككە جەتەمىن دەگەن جاننىڭ البەتتە ەكونوميكادان حابارى, قاراجات جاعىنان ءبىلىمى بولۋى قاجەت. كىم بولسا دا, اۋەلى ءوزىنىڭ جەكە شىعىندارىن ساراپتاپ, رەتكە كەلتىرە العان بولسا بولاشاقتا ۇلكەن كومپانيانىڭ شىعىندارىن دا باسقارا الاتىن بولدى. وزگەرىستى وزىڭنەن باستاعان ابزال. ءبىلىم ال, سپورتپەن شۇعىلدان, دامۋشى ورتا تاپ. سوندا عانا, ءوزىڭ دە وزگەرەسىڭ, سەنىڭ جاساعان ءىس-ارەكەتتەرىڭ دە وزگەرەدى. ماسەلەن, قاراجاتتى ۇنەمدەي الماۋ دا ساۋاتسىزدىقتىڭ ءبىر بەلگىسى. مۇنداي جاعدايدا ەكى ءادىستى قولدانعان ابزال. ءبىرى — شىعىنداردى ۇنەمى جازىپ وتىرۋ. ادام كوزىمەن اقشا جۇمساعانىن ۇعىنعان سايىن, بۇل نارسەگە سەنە باستايدى. ەكىنشىسى — «جەگەندەي بولدىم» قاعيداسى. ياعني, كوفە ىشكىڭىز كەلىپ كەتسە, كوفەحانانىڭ جانىنان ءوتىپ بارا جاتىپ, ىشتەي «ىشكەندەي بولدىم» دەۋ ادامدى سەندىرەدى. سولاي ءناپسىنى سىندىرۋ ارقىلى, قالتاداعى قاراجاتتى باسقارۋعا بولادى» دەدى ول جاستارعا ايتقان بايانداماسىندا.

بۇدان بولەك ترەنينگ بارىسىندا كوپشىلىك كاسىپكەرگە ءتۇرلى سۇراقتار قويىپ, كوكەيلەرىن مازالاعان سۇراقتارعا جاۋاپ الا الدى.

«سەن جانباساڭ لاپىلداپ, مەن جانباسام لاپىلداپ, ول جانباسا لاپىلداپ, اسپان قالاي اشىلماق» دەگەندەي, بولاشاق مىنا سىزدەردىڭ, جاستاردىڭ قولىندا. بۇگىنگى سەميناردان ءبىرىڭىز بولسىن تۇيەر دۇنيە الىپ كەتىپ, جەتىستىككە جەتكەن بولساڭىز بۇل ءبىزدىڭ ۇلكەن ەڭبەگىمىزدىڭ ناتيجەسى دەپ بىلەمىز. قاشان داميمىن, جانامىن, جەتىلەمىن دەگەن جاستارعا قولداۋ كورسەتۋگە دايىنبىز» دەدى «ادىرنا» قوعامدىق قورىنىڭ پرەزيدەنتى ارمان اۋباكىر.

ءىس-شارا قر اقپارات جانە قوعامدىق دامۋ مينيسترلىگى مەن «ازاماتتىق باستامالاردى قولداۋ ورتالىعىنىڭ» قولداۋىمەن «ادىرنا» ۇەب» قق «جاستاردى الەۋمەتتەندىرۋ جانە وڭالتۋ» جوباسى اياسىندا ءوتتى.

وسى ايداردا

دوباۆيت كوممەنتاري

Close