Úlbi ózeninde ana men bala sýǵa aǵyp kete jazdady

О́skemende polıııa qyzmetkerleri Úlbi ózeninde qatty aǵysqa ilesip ketken ana men balany qutqaryp qaldy, dep jazdy Qandastar.kz Polisia.kz-ke silteme jasap.

17 shilde kúni saǵat 14:20 shamasynda «102» arnasyna qala turǵyny tanysynyń kishkentaı qyzymen birge ózenge shomylyp jatqanyn jáne olardy aǵys alyp ketkenin habarlaǵan. Habarǵa alǵash jedel áreket etken kezekshi kómekshisi Oljas Orazov jaqyn mańdaǵy patrýldik polıııa ekıpajyna naqty koordınattar boıynsha baǵyt berip otyrǵan.

— Oqıǵa ornyna patrýldik polıııa batalony rotasynyń komandıri Madııar Muhamedjanov basqarǵan №9 ekıpaj shuǵyl jetken. Sol sátte radıobaılanys arqyly habar alǵan Úlbi polıııa bóliminiń krımınaldyq polıııa bastyǵynyń orynbasary Suńǵat Seıiljanov óz betimen oqıǵa ornyna jetip, birinshi bolyp sýǵa sekirgen. Ana men balany aǵys ózenniń ortasyna qaraı alyp ketken edi, alaıda ofıer olardy ustap tura aldy, — dep jazylǵan aqparatta.

Kóp uzamaı qarama-qarsy jaǵadan jetken Muhamedjanov kómekke qosyldy. Alaıda aǵys qatty bolǵandyqtan, olar óz betterimen jaǵaǵa shyǵa almady. Polıeıler qutqarýshylardyń qaıyǵyn kútken. Úılesimdi árekettiń arqasynda qaıǵyly jaǵdaıdyń aldy alyndy.

Qazirgi ýaqytta ana men balanyń ómirine qaýip joq. Oqıǵanyń mán-jaıy anyqtalyp jatyr.