NEET jastary
Fotografııa ónerine qyzyǵatyn jandarǵa tegin bilim!
"Jastardy áleýmettendir jáne ońaltý" jobasynyń aıasynda belgili fotograftardyń qatysýmen sheberlik saǵaty ótýde. Bilimdi ıgerý offlaın formatta júrip jatyr.
ál-Farabı atyndaǵ qazaq ulttyq ýnıversıtetinde 23 qyrkúıek kúni Asylhan Ábdiraıymulynyń qatysýymen bir aılyq sheberlik saǵattyń ashylýy ótti.
Odan bólek is sharaǵa «Álemniń úzdik 10 fotografy» sanatyna enger Serik Muqyshuly, Dosjan Balabekuly, Ońǵarbek Alharov, Qalıǵumar Qabdeshov te boı kórsetip jas býynǵa fotografııa salsanyńy qyr — cyryn úıretýde. Jastarǵa osy arqyly qalaı kásip bastaýǵa bolatynyn aıtyp, jańa bastamaǵa jeleý bolýda.
«Bolar balanyń betin qaqpa belin bý degen. syrt kózge sýretke túsire salý ońaı kóringenimen, ony unatqan jan bolsa, úlkeen qajyrly eńbek jatyr. Nege deseńiz fotograf áýeli sabyrly bolýy tıis. Sonda ǵana onyń jumysy ónimdi bolady» dedi Asylhan Ábdiraıymuly.
Sonymen qatar osy kúni qazaq fotojýrnalıstıkasynda alǵash ret «FOTOJÝRNALIST ANYQTAMALYǴY» oqý anyqtamalyq sózdiginiń tusaýy kesilgeli otyr. Bul anyqtamalyq fotojýrnalısterge arnalǵan praktıkalyq nusqaýlyq. Mundaǵy taqyryptar belgili bir júıe boıynsha túzilgen, fotografııa týraly anyqtama málimetterdi, onyń negizgi qaǵıdattary men ádisterin qamtıdy, fotopýblııstıkanyń BAQ-taǵy jumys tehnologııasyna basa nazar aýdarady. Sonymen qatar bul anyqtamalyqta otandyq jáne álemdik fotojýrnalıstıka týraly mańyzdy málimetter keltirilgen.
