سىرىم ەلىندە ۇلان اسىر توي ءوتتى

2022 جىلدىڭ 1 قازان كۇنى سىرىم اۋدانى ورتالىعى جىمپيتى اۋىلىندا ءبىر اپتالىق شارالاردىڭ سوڭعى لەگى ءوز مارەسىنە جەتتى. 1 قازان كۇنى ەرتەمەن باتىر, قولباسشى سىرىم دات ۇلىنىڭ تۋعانىنا 280 جىل جانە كورنەكتى مەملەكەت, ۇلت قايراتكەرى, الاش زيالىسى جاھانشا دوسمۇحامەد ۇلىنىڭ تۋعانىنا 135 جىل تولۋىنا وراي وتەتىن تويعا كەلگەن قوناقتار “سىرىم شىققان توبەگە” تاعزىم ەتتى.

اۋدان اكىمى تولەگەن تورەعاليەۆ قوناقتارعا “قوش كەلدىڭىز!” ايتىپ, تەك سىرىم ەلى ءۇشىن ەمەس, كۇللى الاشقا ورتاق توي ەكەنىن تىلگە تيەك ەتتى.
ءدۇبىرلى تويعا كەلگەن قوناقتار سىرىم دات ۇلىنىڭ ەسكەرتكىشىنە گۇل شوقتارىن قويىپ, تاعزىم ەتتى.
تاعزىم ارتىنشا تويتوبەدەگى الامان بايگەگە مەن تازى جارىسىنا ۇلاستى. ءىس-شارا باتىس قازاقستان وبلىسى اكىمىنىڭ ورىنباسارى باقىتجان نارىمبەتوۆ ارنايى قاتىسىپ, قۇتتىقتاۋ ءسوزىن سويلەدى.
​
​دالاداعى ءدۇبىرلى دوداعا جينالعان حالىقتىڭ كوپشىلىگى ات جارىسىن قىزىقتاۋعا كەلگەندەرى بەلگىلى.

اۋەلى قيقۋلاعان حالىقتىڭ نازارى تازىلار جارىسىنا اۋدى. ءار اۋدانداردان قوسىلعان تازىلار ءاپ دەگەندە سۋىرىلا العا شىققاندارىمەن, بايتەرەك اۋدانىنان كەلگەن مارات مۇحتاروۆتىڭ تازىسى 1 ورىندى يەلەنسە (50 000 ت ) 2- 3 ورىندى نۇرلان مۇحتاروۆتىڭ تازىسى (30 000 — 20 000 تگ) ەشبىرىنە بەرمەدى.
دالا دۇبىرگە تولىپ اينالا شاڭعا بوگەر ساتتە كەلدى.

اتسۇيەر قالىڭ قاۋىم دۇربىلەرىن قولدارىنا الدى, باپكەرلەر دە تولقۋ ۇستىندە. اۋەلى 2 اينالىمدىق “تاي جارىسى” باستالىپ, سوڭى 6 اينالىمدىق “توپ بايگە” جانە 8 اينالىمدىق “الامان بايگەگە” ۇلاستى. دالا ات تۇياعىنىڭ دۇبىرىنە تولدى. حالىقتىڭ قيقۋلاعان ءۇنى بويدى شىمىرلاتادى. ءبارىنىڭ نازارى, كوكەيدەگى ويى مارە سىزىعىن العاش بولىپ قاي اتتىڭ كەسىپ وتەرىنە اۋعان.
سونىمەن ءۇش ءتۇرلى بايگەنىڭ تولىق ناتيجەسى تومەندەگىدەي:

“تاي جارىسى” 13 تاي

1 ورىن — اسىلبەك جاڭاباەۆ, “قاراتورعاي”
(اقجايىق اۋدانى), 250 000 تەڭگە;
2 ورىن-قالدىبەك نۇرپەيىسوۆ, “تۇمار” (اقتوبە وبلىسى, قوبدا اۋدانى), 150 000 تەڭگە;
3 ورىن-مەيرامبەك ۋميروۆ “سامال” (قوبدا اۋدانى) 100 000 تەڭگە;
“توپ بايگە” 13 ات
1 ورىن-تەمىر كاكىم, “تاسقىن “ (تەرەكتى اۋدانى), 800 000 تەڭگە
2 ورىن-بەكبول بايجارقىنوۆ, “اقمونشاق”, (اقتوبە وبلىسى), 500 000 تەڭگە;
3 ورىن — ماقسات سەيتاليەۆ, “ايتوبەل” (جاڭاقالا اۋدانى), 300 000 تەڭگە;
“الامان بايگە” 12 ات
1 ورىن — بەكبول بايجارقىنوۆ “مەسيس” (اقتوبە وبلىسى), 1 000 000 تەڭگە;
2 ورىن — ماقسات سەيتاليەۆ “باقتورى”, (جاڭاقالا اۋدانى), 700 000 تەڭگە;
3 ورىن — ەرمەك يباشەۆ “اقجاۋىن” (اقتوبە وبلىسى), 500 000 تەڭگە;
اۋدارىسپاق
1 ورىن — تولەبي قايىرجانوۆ, 50 000 تەڭگە
2 ورىن — اباي كەنجەباەۆ, 30 000 تەڭگە
3 ورىن — جانىبەك جامالوۆ, 20 000 تەڭگە
ارقان تارتىس
1 ورىن — 1987 جىلعىلار, 50 000 تەڭگە
2 ورىن — ساروي اۋىلدىق وكرۋگى, كوزدىعارا اۋىلى, 30 000 تەڭگە
3 ورىن — ولەڭتى اۋىلى, 20 000 تەڭگە
قوي كوتەرۋدەن
سايىن الديار جەڭىمپاز جەڭىمپاز اتاندى.
​
​

دالا دۇبىرىنەن كەيىنگى ۇلان اسىر توي «سىرىم — ايبارىم, جاھانشا — بايراعىم» اتتى رەسپۋبليكالىق اقىندار ايتىسىمەن ساباقتاستى. قازاقتىڭ ءتول ونەرىن تاماشالاۋعا حالىق انشلاگپەن جيىلدى. ەگدە جاستاعى اتا-اجەلەرمەن قاتار بالالاردىڭ دا قاراسى قالىڭ بولدى.

ايتىستىڭ اتاسى اتانعان, حالىقارالىق ايتىس اقىندارى مەن جىرشى-تەرمەشىلەر وداعىنىڭ توراعاسى ءجۇرسىن ەرمان ءسوز دوداسىن جۇرگىزۋ ءۇشىن ساحناعا شاقىرىلدى. «قازاقتىڭ قاسيەتتى مەكەنى جىمپيتى اسپانىندا بۇگىن رۋح ۇشىپ جۇرگەندەي. ول رۋح — حاس باتىر سىرىمنىڭ, الاش ارىسى جاھانشانىڭ رۋحى»,—دەدى ءجۇرسىن ەرمان.

سىرىم اۋدانى اكىمى تولەگەن تورەعاليەۆ دالا كەمەڭگەرى مەن الاش قايراتكەرىن ۇلىقتاۋعا ارنالعان شاراعا شاقىرتۋدى قۇپ العانى ءۇشىن ءجۇرسىن مولداش ۇلى مەن ايتىسكەرلەرگە العىسىن ءبىلدىرىپ, جاڭا قازاقستانعا سىرىم مەن جاھانشانىڭ ىزىمەن, يدەياسىمەن قادام باسايىق دەگەن پەيىلىن جەتكىزدى.

ايتىس الامانىنا بارلىعى سەگىز اقىن قاتىستى. جىر دوداسىن سىرىمدىق باۋىرجان شيرمەدين ۇلى مەن تالعات مىقيدىڭ جۇبى باستادى. اتىراۋلىق شالقارباي ءىزباساروۆ پەن مۇرادىم ميرلانوۆ ءسوز قاعىستىردى. ايتىستىڭ بەكزاداسى بەكارىس شويبەكوۆپەن ءۇش مارتە «التىن دومبىرا» يەگەرى مۇحتار نيازوۆ ايتىستى. ءتورتىنشى بولىپ سىر سۇلەيلەرىنىڭ سىنىعى نۇرمات مانسۇروۆ پەن ارپا ىشىندە ءبىر بيداي, نارىننىڭ نار قىزى جانسايا مۋسينا شىقتى.

ايتىستىڭ مەيمانى رەتىندە كەلگەن جاكەن وماروۆ, بەرىك جۇسىپوۆتەر تەرمەلەرىمەن جۇرەكتەگى شەردى قوزعاپ, كورەرمەن كوزىنە جاس ءۇيىردى. اسىرەسە, ج. وماروۆ ورىنداعان مايلىقوجانىڭ اكە مەن انا تۋرالى تەرمەسى حالىقتى ەرەكشە اسەرلەندىرىپ, وي سالدى.

حالىقتى قيقۋلاتىپ, دەلەبەسىن قوزدىرعان ايتىس ءۇش ساعاتقا جۋىق ۋاقىتقا سوزىلدى.

دومبىرا اسىنعان اقىندار دوداسى سوڭىندا اۋدان اكىمى تولەگەن تورەعاليەۆ پەن وبلىستىق ءماسليحات دەپۋتاتى, «جىبەك جولى» شارۋا قوجالىعىنىڭ جەتەكشىسى عانيمات نۇرمۇحانوۆ ساحناعا كوتەرىلدى. اۋدان اكىمى سەگىز اقىننىڭ ارقايسىسىنا ەلدىڭ اتىنان ات مىنگىزىلەتىنىن ايتتى. ۇلتتىق ونەرمەن حالىقتى سۋسىنداتۋ ءۇشىن, ايتىستى ۇيىمداستىرۋ ءۇشىن ەڭبەك سىڭىرگەن قوس باۋىرجانعا (ب.حاليوللا, ب.شيرمەدين ۇلى) العىسىن ءبىلدىردى. جىمپيتىعا جۇيرىكتەرىمەن كەلگەن ءجۇرسىن ەرمانعا شاپان جاۋىپ, قۇرمەت كورسەتتى. بارلىق قوناقتارعا ەستەلىك سىيلىق پەن اۋدان اكىمىنىڭ العىس حاتى تابىس ەتىلدى.

عانيمات قايىرجان ۇلى ءجۇرسىن مولداش ۇلىنا دا ات مىنگىزدى.

اۋداننىڭ تويىنا تۇسكە دەيىن قادىرلى قوناقتار كەلىپ, تارتىستى بايگە, ءجۇرسىننىڭ جۇيرىكتەرى قاتىسقان الامان ايتىس وتسە, كوپتەن كۇتكەن گالا كونتسەرتتە ءوتتى.
بۇگىنگى توي, بۇرىنعىدان وزگەرەك بولعانىندا ايتا كەتۋىمىز كەرەك.

قورىتىندى كەشكە قازاقستان كومپوزيتورلار وداعىنىڭ مۇشەسى, ءانشى-سازگەر جاسكەلەڭ عايساعاليەۆ باستاعان, تاراس جاۋىنباەۆ, كاميلا شايحيەۆا, قانات تولەپقالي, دانابەك ۇمبەتالى جانە جەرلەسىمىز بەكەي قاناتوۆ سىندى وڭىرىمىزگە تانىمال ونەر يەلەرى ءان شىرقادى.

ودان بولەك, جاس تا بولسا تىڭدارماننىڭ جۇرەگىنەن ورىن الا بىلگەن, كوپكە تانىمال, جاستاردىڭ سۇيىكتى ءانشىسى سادراددين بولات تا كەشتىڭ باستى قوناعىنىڭ ءبىرى بولدى.

كەش جاستاردىڭ كوڭىلىنەن شىقسا كەرەك, سىرىم اۋدانىنىڭ ورتالىق الاڭىندا انسۇيەر اعايىننىڭ قاتارى قالىڭ بولدى.

ءبىر اپتاعا سوزىلعان اۋدانداعى تويدىڭ ادەمى نۇستەسى قويىلدى.

مۇسىربەك ايتاشەۆ
ايجان باۋىرجانقىزى
شىنار مولدانيازوۆا