NEET jastary
«Kommýnıkaııa mańyzdy baǵyt»: PR mamany jastarǵa sheberlik synybyn ótkizdi
ál-Farabı atyndaǵy Qazaq ulttyq ýnıversıtetinde belgili PR mamany Aıbar Oljaımen sheberlik synyby ótti.
Is-sharanyń maqsaty kóteriletin máseleler arqyly jastardy bolashaq ómirlik josparlaryna yntalandyrý jáne shyǵarmashylyq áleýetti damytý.
Kún tártibinde jastardyń jumys jáne oqýǵa kelgende belsendilik tanytpaý sebepterin anyqtaý, jastarǵa kómek berý jáne kásibı baǵdarlaý túrleri, eńbek naryǵyndaǵy qajetti mamandyqtar, jastardy kásipkerlik qyzmetke oqytý, jastarynyń qordalanǵan máseleleri týraly kezdesý bolmaq.
Is-shara spıkerleri Aıbar Oljaı jáne QazUÝ oqytýshysy Nazgúl Shyńǵysova «Adyrna» UEB» QQ jáne kásip pen oqýda jetistikke jetken, eńbekqor Qazaqstanǵa belgili tulǵalary mansap jáne jeke ósý úshin ómirlik daǵdylardy damytýdaǵy tájirıbelerimen bólisti.
Kezdesý barysynda búgingi kúni eńbek naryǵyndaǵy qajetti mamandyq SMM salasy jáne qaı salany belsendi damytý kerek, jastardy kásipkerlik qyzmetke oqytý, kásipkerdiń qajetti daǵdylary, jastarǵa berilgen múmkindik pen sony qalaı durys paıdalaný kerektigi jaıynda sóz boldy.
Qatysýshy stýdentter mamanǵa túrli saýaldar qoıyp, álemýettik jeli arqyly qalaı tabys tabýǵa bolatyny jaıly aqparattar bildi.
Qatysqan jastar «Adyrna» QQ-nyń arnaıy sertıfıkattarymen marapattaldy.
