Jańalyqtar

Qazaqstanda munaı-gaz hımııasy boıynsha QazPolymers-2022 forýmy bastaldy

9 jeltoqsanda Atyraýda «QazMunaıGaz» UK AQ (QMG) bastamasymen tuńǵysh otandyq QazPolymers-2022 forýmy bastaldy. Jıyn elimizde óndiriletin polımer shıkizatynan polımer ónimder shyǵarý naryǵyn damytý máselesin talqylaýǵa arnalǵan basty alańǵa aınaldy.

Basqosýǵa ǵylym, damý ınstıtýttary, saladaǵy bıznes qaýymdastyq ókilderi, medıınalyq tehnıka, qurylys, oraý materıaldaryn, plastıkalyq qubyrlar óndirýshiler, sondaı-aq munaı óńdeý, munaı hımııasy men basqa da otandyq jáne sheteldik kompanııalardyń ókilderi jınaldy. Olar, eń aldymen,  Qazaqstan ekonomıkasyndaǵy tuńǵysh gaz-hımııa kesheni — polıpropılen óndiretin «Kazakhstan Petrochemical Industries Inc» (KPI) JShS zaýytyn aralap, keshenniń jumysymen tanysty.

Eske salsaq, KPI zaýytyn (QMG-niń úlesi bar) 2022 jyly 8 qarashada Memleket basshysy Qasym-Jomart Toqaev Atyraý oblysyna sapary kezinde iske qosty. 2023 jyly kásiporyn jylyna 500 myń tonna ónim óndirip, tolyq óndiristik qýatyn oryndaǵanda polıpropılen óndirisi boıynsha álemdik naryqtaǵy eń iri oıynshylarmen bir qatarǵa shyǵady.

Nurlan Balǵymbaev atyndaǵy kommýnıkaııalardy damytý ortalyǵynda ótken forýmǵa Atyraý oblysynyń ákimi Serik Shápkenov, «QazMunaıGaz» UK AQ Basqarma tóraǵasy Maǵzum Myrzaǵalıev, sondaı-aq Atyraý munaı jáne gaz ýnıversıtetiniń rektory, professor Gúlzada Shakýlıkova qatysty.

QMG basshysy óz sózinde Qazaqstannyń geografııalyq ornyn jáne kómirsýtekterdi qoldana otyryp, joǵary tehnologııalyq ónimder jasaý múmkindigin utymdy paıdalaný keregin atap ótti.

«Búgingi tańda polımer ónerkásibi — álemdik ekonomıkanyń eń jyldam damyp kele jatqan segmentteriniń biri. Salanyń áleýeti joǵary. Biz Qazaqstannyń utymdy tustaryn, ıaǵnı tıimdi geografııalyq ornymyzdy, kómirsýtek resýrstary bazasynda joǵary tehnologııalyq ónimderdi damytý boıynsha keń múmkindikterimizdi ónerkásip, tamaq, turmystyq, medıınalyq jáne basqa da salalarda quny joǵary túpkilikti ónim shyǵarý úshin tıimdi paıdalana bilýimiz kerek», — dedi M.Myrzaǵalıev.

«QazMunaıGaz» basshysy ulttyq munaı-gaz kompanııasy otandyq bıznestiń joǵaryda atalǵan áleýeti joǵary salany damytýdaǵy úlken róli men múmkindikterin kórip otyrǵanyn jáne oǵan barlyq múmkin qoldaýdy kórsetýge daıyn ekenin aıtty.

Forým barysynda eki paneldik sessııa uıymdastyryldy: «Munaı-gaz hımııasy — ulttyq ekonomıkany ártaraptandyrýdyń jańa draıveri» jáne «Qazaqstandyq polıpropılen — túpkilikti ónim óndiretin otandyq bıznesti damytý múmkindikteri». Qatysýshylar sondaı-aq otandyq munaı-gaz hımııasy salasynyń damý kezeńderi týraly aqparat aldy (jyldyq qýaty 1,2 mln tonna polıetılen zaýytyn salý boıynsha jumystar bastaldy, qýaty jylyna 180 myń tonnaǵa deıin býtadıen kaýchýkterin sıntezdeý boıynsha býtadıen óndirisin qurý josparda). Kún tártibinde polımer ımportyna táýeldilikti tómendetý úshin bıznes baılanystardy arttyrý jáne bastapqy jaǵdaıdy qalyptastyrý mindetteri, memlekettik qoldaý sharalary men otandyq polımer shıkizatyna ishki suranysty yntalandyrý máseleleri tur. Qazaqstandyq shıkizatty paıdalana otyryp, halyq tutynatyn taýarlar túrin keńeıtý jónindegi bıznes jobalarǵa shaǵyn jáne orta bıznesti tartý máselesi de talqylandy. Sondaı-aq, kompanııalarǵa tabysty bıznes keıster tanystyrylady.

Forýmdy uıymdastyrýshylar qatarynda «QazMunaıGaz» UK AQ, Munaı-gaz hımııasy ónimderin óndirýshiler men tutynýshylar qaýymdastyǵy (Munaı-gaz hımııasy qaýymdastyǵy), «Atameken» UKP jáne Atyraý qalasyndaǵy KPI zaýyty bar.

Anyqtama úshin:

Qazaqstanda polıpropılen men polıetılen ımportynyń kólemi ósip keledi. Bul kórsetkish 2021 jyly 221 myń tonna boldy, 2016 jylmen salystyrǵanda eki esege artyq (123 myń tonna). Resmı statıstıkaǵa sáıkes, elimizde ımportalatyn polımer shıkizatymen jumys istep, túpkilikti ónim shyǵaratyn 130-ǵa jýyq shaǵyn jáne orta kásiporyndar bar. Polımer shıkizatynyń negizgi tutynýshylary negizinen — plastmassa jáne rezeńkeden tehnıkalyq buıymdar óndiretin kásiporyndar.

Polıpropılen — mashına jasaý, medıına, elektr tehnıkasy, oraý materıaldary, ydystar, talshyqtar, qubyrlar, keńse jabdyqtary, baqsha jáne keńse jıhazdary óndirisinde, sondaı-aq qurylys, toqyma jáne tamaq ónerkásibinde qoldanylatyn negizgi shıkizat.

Osy aıdarda

Dobavıt kommentarıı

Close