جاڭالىقتار
«ازاماتتىق باستامالاردى قولداۋ ورتالىعى» كەاق ۇەۇ ءۇشىن مەملەكەتتىك گرانتتار بەرۋگە كونكۋرس جاريالايدى
- ۇكىمەتتىك ەمەس ۇيىمداردى گرانتتىق قارجىلاندىرۋ سالاسىنداعى وپەراتور
«ازاماتتىق باستامالاردى قولداۋ ورتالىعى» كوممەرتسيالىق ەمەس اكتسيونەرلىك قوعامى (بۇدان ءارى – وپەراتور) – قازاقستان رەسپۋبليكاسى ۇكىمەتىنىڭ 2015 جىلعى 31 جەلتوقسانداعى №1192 قاۋلىسىنا سايكەس ۇكىمەتتىك ەمەس ۇيىمداردى گرانتتىق قارجىلاندىرۋ سالاسىنداعى وپەراتور بولىپ تابىلاتىن كوممەرتسيالىق ەمەس ۇيىم.
- كونكۋرس تۋرالى
وپەراتور قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ تاپسىرىسى بويىنشا 2023 جىلعا ارنالعان ۇكىمەتتىك ەمەس ۇيىمدارعا (بۇدان ءارى – ۇەۇ) مەملەكەتتىك گرانتتار بەرۋگە كونكۋرس جاريالايدى. كونكۋرس ازاماتتىق باستامالاردى قولداۋ, ازاماتتىق قوعام ينستيتۋتتارىنىڭ الەۋەتىن «قازاقستان رەسپۋبليكاسىنداعى مەملەكەتتىك الەۋمەتتىك تاپسىرىس, ستراتەگيالىق ارىپتەستىكتى ىسكە اسىرۋعا ارنالعان مەملەكەتتىك تاپسىرىس, ۇكىمەتتىك ەمەس ۇيىمدارعا ارنالعان گرانتتار مەن سىيلىقاقىلار تۋرالى» قازاقستان رەسپۋبليكاسىنىڭ زاڭىنا (بۇدان ءارى – زاڭ), قازاقستان رەسپۋبليكاسى اقپارات جانە قوعامدىق دامۋ ءمينيسترىنىڭ 2022 جىلعى 26 قىركۇيەكتەگى № 406 بۇيرىعىمەن بەكىتىلگەن مەملەكەتتىك گرانتتاردى قالىپتاستىرۋ, بەرۋ, مونيتورينگتەۋ جانە ولاردىڭ تيىمدىلىگىن باعالاۋ قاعيدالارىنا (بۇدان ءارى – قاعيدالار) سايكەس الەۋمەتتىك سالانى دامىتۋدىڭ وزەكتى ماسەلەلەرىن شەشۋگە تارتۋ ماقساتىندا وتكىزىلەدى.
گرانتتار بەرۋگە كونكۋرس:
- قىسقا مەرزىمدى/ورتا مەرزىمدى گرانتتار بويىنشا ءبىر كەزەڭدە (كونكۋرسقا قاتىسۋعا وتىنىمدەر بەرۋ, ساراپتاما كوميسسياسى مۇشەلەرىنىڭ وتىنىمدەردى قاراۋى جانە باعالاۋى);
- ۇزاق مەرزىمدى گرانتتار بويىنشا ەكى كەزەڭدە (كونكۋرستىڭ ەكىنشى كەزەڭىندە ءوتىنىش بەرۋشىلەر وپەراتور ازىرلەگەن كەستەگە سايكەس ساراپتاما كوميسسياسىنىڭ الدىندا ءوز وتىنىمدەرىن ۇسىنادى جانە قورعايدى) وتكىزىلەدى.
- وتىنىمدەردى قابىلداۋدىڭ اياقتالۋ كۇنى مەن ۋاقىتى. وتىنىمدەردى جىبەرۋ قاجەت پوشتالىق جانە ەلەكتروندىق مەكەنجايلار
وتىنىمدەردى قاعاز نەمەسە ەلەكتروندىق جەتكىزگىشتەردە قازاقستان رەسپۋبليكاسى, 010000, استانا ق., ەسىل اۋدانى, قابانباي باتىر داڭعىلى, 11/5, «نۇرلى وردا» بو, 5-قابات, 504/3 كابينەتكە جانە grants@cisc.kz ەلەكتروندىق پوشتاسىنا جولداۋ قاجەت.
وتىنىمدەردى پوشتا بايلانىسى ارقىلى جانە (نەمەسە) قولما-قول تاپسىرىلۋ كەزىندە قۇجاتتار تىگىلەدى جانە ءوتىنىش بەرۋشى باسشىسىنىڭ نە ونىڭ ورىنباسارىنىڭ مورىمەن (بار بولسا) جانە قولىمەن بەكىتىلەدى.
نازار اۋدارىڭىز!!!
وتىنىمدەر وپەراتورعا:
- قىسقا مەرزىمدى/ورتا مەرزىمدى گرانتتار بويىنشا 2023 جىلعى «12» قاڭتار مەن «1» اقپان ارالىعىندا استانا ۋاقىتى بويىنشا ساعات 18:30-عا دەيىن;
- ۇزاق مەرزىمدى گرانتتار بويىنشا 2023 جىلعى «12» قاڭتار مەن «15» اقپان ارالىعىندا استانا ۋاقىتى بويىنشا ساعات 18:30-عا دەيىن ەنگىزىلەدى.
كورسەتىلگەن مەرزىمدەردەن كەيىن, ونىڭ ىشىندە پوشتا بايلانىسى ارقىلى ەنگىزىلەتىن وتىنىمدەر قارالمايدى.
وپەراتوردىڭ وتىنىمدەردى قابىلداۋ ۋاقىتى: دۇيسەنبى مەن جۇما ارالىعىندا استانا ق. ۋاقىتى بويىنشا ساعات 9.00-دەن 18.30-عا دەيىن (تۇسكى ءۇزىلىس ساعات 13.00-دەن 14.30-عا دەيىن).
كونكۋرسقا قاتىسۋ ءۇشىن ءوتىنىم بەرۋشى ءوتىنىمدى مىناداي تاسىلدەردىڭ بىرىمەن ەنگىزەدى:
- قاعاز تاسىمالداعىشتا پوشتا بايلانىسى ارقىلى نەمەسە قولما-قول, تىگىلگەن جانە باسشىنىڭ نە ونىڭ ورىنباسارىنىڭ مورىمەن جانە قولىمەن بەكىتىلگەن ءوتىنىم جانە مەملەكەتتىك گرانتتىڭ تاڭدالعان باسىم باعىتى, ءوتىنىش بەرۋشىنىڭ اتاۋى مەن بايلانىستارى كورسەتىلگەن ءوتىنىمنىڭ قايتالانعان ءتۇرى مىندەتتى تۇردە مۇراعاتتالعان بىرىڭعاي WinRar, WinZip فايلىندا PDF جانە MS Word فورماتىندا grants@cisc.kz ەلەكتروندىق پوشتاسىنا ەنگىزىلەدى;
- ەلەكتروندىق تاسىمالداعىشتا مۇراعاتتالعان بىرىڭعاي WinRar, WinZip فايلىندا PDF جانە MS Word فورماتىندا پوشتا بايلانىسى ارقىلى نەمەسە قولما-قول ەنگىزىلەدى, ءوتىنىمنىڭ قايتالانعان ءتۇرى مىندەتتى تۇردە گرانتتىڭ تاڭدالعان تاقىرىبىن, ءوتىنىش بەرۋشىنىڭ اتاۋىن جانە بايلانىستارىن كورسەتە وتىرىپ, grants@cisc.kz ەلەكتروندىق پوشتاسىنا جىبەرىلەدى;
- تاڭدالعان گرانت تاقىرىبى, اتاۋى جانە ءوتىنىش بەرۋشىنىڭ كونتاكتىلەرى كورسەتىلگەن مۇراعاتتالعان WinRar, WinZip فايلىندا PDF جانە MS Word فورماتىنداعى ءوتىنىم ەلەكتروندىق فورماتتا grants@cisc.kz ەلەكتروندىق پوشتاسىنا جىبەرىلەدى.
- كونكۋرسقا قاتىسۋ ءۇشىن قاجەتتى قۇجاتتاردىڭ تىزبەسى:
كونكۋرسقا قاتىسۋ ءۇشىن گرانتتىڭ تۇرىنە (قىسقا مەرزىمدى/ورتا مەرزىمدى جانە ۇزاق مەرزىمدى) بايلانىستى ءوتىنىش بەرۋشى قابىلداۋ اياقتالعان كۇن مەن ۋاقىتتان كەشىكتىرمەي وپەراتورعا راستايتىن قۇجاتتاردى قوسا وتىرىپ, قاعيدالارعا 7, 9-قوسىمشالارعا سايكەس نىسان بويىنشا قازاق نەمەسە ورىس تىلدەرىندە ءوتىنىم ەنگىزەدى:
1) قۇرىلتاي قۇجاتتارىنىڭ كوشىرمەلەرى;
2) ۇيىمنىڭ سوڭعى ەسەپتى كۇنگى بۋحگالتەرلىك بالانسى;
3) تارتىلاتىن سەرىكتەستەردىڭ تىزبەسى جانە كورسەتىلگەن سەرىكتەستەردىڭ ۇسىنىلاتىن الەۋمەتتىك جوباعا قاتىسۋعا كەلىسىمى;
4) ءوتىنىش بەرۋشىنىڭ جەكە سالىمى نەمەسە الەۋمەتتىك جوبانى قارجىلاندىرۋدىڭ باسقا كوزدەرى بولعان كەزدە راستايتىن قۇجاتتار;
5) ۇزاق مەرزىمدى جوبالاردى ىسكە اسىرۋ ءۇشىن قاجەتتى ماتەريالدىق-تەحنيكالىق بازانىڭ بولۋىن راستايتىن قۇجاتتار.
سونىمەن قاتار, الەۋمەتتىك جوبانى ساراپتاما كوميسسياسى قاعيدالارعا 8 جانە 10-قوسىمشالاردا كوزدەلگەن باعالاۋ كريتەريلەرى بويىنشا باعالايتىنىنا نازار اۋدارامىز.
كونكۋرستىق كوميسسيانىڭ ىرىكتەۋ پروتسەسىمەن جانە قىزمەتىمەن ەرەجەدە تولىعىراق تانىسۋعا بولادى.
وپەراتوردىڭ قىزمەتكەرلەرى وتىنىمدەردى قابىلداۋدىڭ بارلىق ۋاقىتىندا كەڭەس بەرەدى. قوسىمشا اقپارات پەن تۇسىنىكتەمە الۋ ءۇشىن وپەراتوردىڭ مەملەكەتتىك گرانتتىق قارجىلاندىرۋ جونىندەگى جوبالىق كەڭسەسىنە (7172) 79-08-28, (7172) 79-08-04, (7172) 79-08-07 تەلەفوندارى ارقىلى حابارلاسقان ءجون.
- وپەراتور كەلەسى جاعدايلاردا كونكۋرسقا قاتىسۋدان باس تارتادى جانە ءوتىنىش بەرۋشىگە ءتيىستى حابارلاما جىبەرەدى:
1) ءوتىنىم وسى قاعيدالاردىڭ تالاپتارىنا سايكەس كەلمەگەن جاعدايدا;
2) ءوتىنىم مەملەكەتتىك گرانتتاردىڭ باسىم باعىتتارىنىڭ بەكىتىلگەن تىزبەسىنە سايكەس كەلمەگەندە;
3) ءوتىنىش بەرۋشىنىڭ جارعىلىق ماقساتى مەملەكەتتىك گرانتتىڭ باسىم باعىتىنا سايكەس كەلمەگەندە;
4)زاڭنىڭ 6-1-بابىنىڭ 4-تارماعىنا سايكەس ۇكىمەتتىك ەمەس ۇيىمداردىڭ دەرەكقورىندا ءوتىنىش بەرۋشى تۋرالى مالىمەتتەر بولماعاندا;
5) ەگەر ءوتىنىش بەرۋشى تاراتۋ پروتسەسىندە بولسا;
6) ەگەر ءوتىنىش بەرۋشى بانكروت دەپ تانىلسا;
7) ەگەر ءوتىنىش بەرۋشىنىڭ اتقارۋشىلىق ءىس جۇرگىزۋ بويىنشا بەرەشەگى بار بولسا;
8) ەگەر ءوتىنىش بەرۋشى مەملەكەتتىك ساتىپ الۋعا جوسىقسىز قاتىسۋشىلاردىڭ تىزىلىمىندە تۇرسا;
9) ەگەر ءوتىنىش بەرۋشىنىڭ مۇلكىنە تىيىم سالىنسا;
10) ەگەر ءوتىنىش بەرۋشىنىڭ ەكونوميكالىق قىزمەتى توقتاتىلا تۇرعان بولسا;
11) ەگەر ءوتىنىش بەرۋشىنىڭ باسشىلارى, قۇرىلتايشىلارى مەملەكەتتىك ورگاننىڭ جانە (نەمەسە) وپەراتوردىڭ ۋاكىلەتتى ادامدارىنىڭ جۇبايى (زايىبى), جاقىن تۋىستارى, جەكجاتتارى بولىپ تابىلسا;
12) ەگەر ءوتىنىش بەرۋشىنىڭ باسشىلارى, قۇرىلتايشىلارى تەرروريستىك ارەكەتكە قاتىسى بار ادامداردىڭ تىزىمىنە, سونداي-اق جاپپاي قىرىپ-جويۋ قارۋىن تاراتۋدى قارجىلاندىرۋمەن بايلانىستى ۇيىمدار مەن ادامداردىڭ تىزبەسىنە جانە (نەمەسە) تەرروريزمدى جانە ەكسترەميزمدى قارجىلاندىرۋمەن بايلانىستى ۇيىمدار مەن ادامداردىڭ تىزبەسىنە ەنگىزىلگەن بولسا.
ۇكىمەتتىك ەمەس ۇيىمدارعا ارنالعان مەملەكەتتىك گرانتتاردىڭ 2023 جىلعا ارنالعان باسىم باعىتتارىنىڭ بەكىتىلگەن تىزبەسىندە كوزدەلگەن مەملەكەتتىك گرانتتىڭ باسىم باعىتى بويىنشا كونكۋرس مىناداي سەبەپتەردىڭ ءبىرى بويىنشا وتپەدى دەپ تانىلادى:
1) كونكۋرسقا قاتىسۋعا ۇسىنىلعان وتىنىمدەر بولماعاندا;
2) كونكۋرسقا قاتىسۋعا وتىنىمدەردىڭ ءبىر دە بىرەۋى جىبەرىلمەگەندە;
3) كونكۋرس قورىتىندىسى بويىنشا جەڭىمپازدار بولماعاندا.
- باسىم باعىتتاردىڭ بەكىتىلگەن تىزبەسى
كونكۋرس قازاقستان رەسپۋبليكاسى اقپارات جانە قوعامدىق دامۋ ءمينيسترىنىڭ م.ا. 2022 جىلعى «30» جەلتوقسانداعى № 571 بۇيرىعىمەن بەكىتىلگەن ۇكىمەتتىك ەمەس ۇيىمدار ءۇشىن 2023 جىلعا ارنالعان مەملەكەتتىك گرانتتاردىڭ باسىم باعىتتارىنىڭ تىزبەسى نەگىزىندە وتەدى.
بۇيرىقتىڭ جانە قوسىمشالارىنىڭ كوشىرمەسى قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ https://www.gov.kz/memleket/entities/akk/documents/details/395539?lang=ru رەسمي سايتىندا ورنالاستىرىلعان.
قۇجاتتاردى https://cisc.kz/kk/46941-46941.html سايتىنان كورە الاسىزدار.
