«Kúıeýim júkti kezimde uryp-soqty, mıllıondaǵan qaryzyn japtym»: Tanymal bloger qoǵamnan kómek surady

Instagram áleýmettik jelisinde Túrkııadan Qazaqstanǵa taýar jiberip, saýda jasap tanymal bolǵan erli-zaıypty blogerler Berik Qutpanbaı men Nazıra Zárýdiń otbasynda janjal shyqty, dep habarlaıdy Qandastar.kz turkystan.kz-ke silteme jasap.

Buǵan deıin olar jelide ıdeal ómirlerin kórsetip, baqytty, úlgili otbasynyń rólin somdap kelgen bolatyn. Biraq olar byltyr resmı túrde ajyrasyp ketken. Ony kópshilikke jarııalamaǵan. Tek Nazıra Zárý birneshe kúnnen beri ǵana otbasylyq janjaldy ortaǵa salyp, birge turǵan bes jylda kúıeýinen kórgen qorlyǵyn ashyq jazyp jatyr.

Onyń aıtýynsha burynǵy jýrnalıst – Berik Qutpanbaı ózin júkti kezde uryp-soqqan, aqsha berýin talap etken, perzenthanada balasyn bosanyp jatqanda bodıǵa barǵan kórinedi. Úılengen kúnnen bastap Nazıra eńbek etip, Berikti asyraýǵa, onyń qaryzdaryn jabýǵa májbúr bolǵan. Tipti onyń buryn úılenip ajyrasqanyn da ekeýi otbasyn qurǵan soń bilgen.

«Ekiqabat bola bergim keletin edi, qaıdan bileıin júkti bolyp ta taıaq jep kógeretinimdi. Ishinde urpaǵy bar, no ony bir áıel úshin uryp-soǵady. Ol súıdi, sheksiz, bala mahabbatpen, kózi artyq eshteńe kórmedi. Seni bárine kináli etý, urý, qorlaý…. Artynan keshirim, keshirim, múmkindik. Soǵan sengen sharasyz áıel. Janymen qosa mángi umytylmas jara táninde. Ol ony eshqashan umyta almaıdy, sebebi ol qyzǵa bireýdiń qolynyń ushy tımegen edi. Sen qol kótergen sátten bastap ol óshti, túsinbedi, ózin kinálady, baqytty áıeldiń maskasyn kıdi, bir kúni ol ómirmen qoshtasý kerektigin túsindi, sebebi jany qansyrap, kómek surady. Meni bireý ursyn dep bermep edi, baqytty bolasyń dep aıtyp edi, soǵan sendi. Biraq olaı emes eken, kózden ot ketti, jany tilimdeldi 😭😭😭 Syrtqa myqty etip kórsetkisi keldi, seni jaqsy kórgeni sonsha “kónem” dedi, kóndi, biraq ómir baqı kóne almady, ishindegi tilimdelgen ár jasaǵandary kóz aldynda boldy, umyta almady, túnde jastyq kórdi kóz jasyn, sen kórmediń. Saǵan aıtsa “jasyn súrtýdiń ornyna, aýzyńdy jap” dediń. Japty, óshti, únsiz ol, sharasyz ol, ol eshteńeni túsiner emes, nege jala jabylyp ketkenin túsinbedi, sen sekildi qý emes edi, anqaý bolyp kelip, aqymaq bop ketetinin kim bilgen .

UIaLMAIMYN EShTEŃEDEN! Uıalyp keldim. Myna jerde denedegi jara jazylǵanmen júrek pen kóńildiń jarasy jazylmaı qaldy-aý. Qansha uıqysyz túnder men kúnderim ótti, bizdi uryp, qorqytyp, qorlap, jala jaýyp, bárin tartyp alý úshin aldy ma?! Pýblıkaǵa oınap, 2 qyzdy ortaǵa salyp, elge basqa, maǵan isi basqa meni jyndy etip, júristi etetin kim ol?! Kim berdi ondaı quqyqty. Nege qorqynyshpen ómir súrýim kerek. Qorlaý úshin aldy ma?! Elderge bir ret ǵana urdym degen batyr, qarańdar, mine, shyndyq ashylý úshin osylaı jar salýymyz kerek pa. Nege dosyń shesheme úıtem-búıtem dep ýgroza jasaıdy, nege, kimsińder?! Men baqytty ómir súrip jatkan adamnyń rólinde júrgenmen de, ishimde ne bolyp jatqanyn bilseńizder ǵoı. Maǵan keregi bul ómirde tek tynyshtyq pen bostandyq ózinen jáne tanys tamyrlarynan. Nege bizdi namyssyz etip, ózderi taırańdaıdy. Jasyryp keldim bárin, nege ıdealnyı etip kórsettim eken, janymdy nege túsinbedi, názik áıel edim», — deıdi ol.