Nazarbaevtyń qasynda júrgen adamdar Perızat Qaıratty paıdalanyp ketti — Asqat Asylbekov

Foto: ınstagram

Memlekettiń damýyna úles qosý úshin bılikke, taqqa talasýdyń qajeti joq. Bul týraly saıasattanýshy, qoǵam belsendisi, jýrnalıst Ashat Asylbekov «Qasqa jol» kanalyna bergen suhbaty barysynda aıtty, dep habarlaıdy qandastar.kz

«30 jyl boıy Qazaqstandy kim tonady? Qazaqstandy tonaǵan – qazaqtar! Al mádenıetti adam óz halqyn tonamaıdy. Al bizdiń olıgarhtar jyrtqysh sekildi halyqty tonady. Endi bulaı jalǵasa bersek, birikpesek, 10 jyldyń ishinde Qazaqstan degen memleketten aıyrylyp qalýymyz múmkin. Sebebi biz egemendikti qadirlemeımiz, óıtkeni, soǵysqan joqpyz.

Skifnews.kz aqparat portalynda jazylǵandaı,  Úkimet koalıııalyq bolýy kerek. Osy oıdy Toqaev birneshe ret aıtty. Meniń bir-aq ǵana armanym, maqsatym bar, ol – Qazaqstandy egemen memleket retinde saqtap qalý. О́ıtkeni qaýip kóp, ómir ózgerdi, eshqandaı kepil joq. Sol úshin biz eshqandaı til, ultaralyq máseleni kótermeýimiz kerek. Bizdiń jaýlarymyzǵa syltaý bermeý kerekpiz. Birigý kerekpiz, naǵyz ınternoıonaldy kóp halyqty, etnosty meıirimdi halyq bolý kerek. Sonda ǵana kórshilermen saýda jasap, tatý-tátti turýǵa bolady», — dedi Ashat Asylbekov.

Sondaı-aq, ol Perızat Qaırat keısin alǵa tarta otyryp, ony kimder saıası oıynshyqqa aınaldyrǵanyn aıta ótti.

«Bizdiń elimizde túbi saıası júıe durys emes. Máselen Perızat Qaırat oqıǵasyn alaıyq. Meniń oıymsha, ol jalǵyz ózi osynshama aqshany jymqyra qoıǵan joq. Onyń aınalasynda kezinde Nazarbaevpen birge júrgen birshama azamattar bar. Biraq olardyń aty naqty atalǵan joq. Menbul jerde Perızat Qaıratty aqtamaımyn, árıne ol da jedi, óıtkeni halyqtyń aqshasyna nebir qymbat kólik pen qymbat dúnıelerdiń artynda birshama shyndyq jatyr. Bul onyń rýhanı jaǵynan beısharalyǵyn kórsetedi. Ol naqty ne istep jatqanyn bilip turyp, osyndaı áreketke bardy dep oılaımyn. Men bul jerde halyqqa qarnym ashıdy, únemi osylaı qaıyrymdylyqqa úles qosqysy kelip, biraq ilinip qala beredi. Negizinen qarapaıym halyqtyń jaǵdaıyn memleket jasaýy kerek. Qalaı jasaıdy? Ol árıne, zań arqyly. Al bizdiń zań júıesi kimge qyzmet etedi? Ol olıgarhtarǵa, kapıtalıstik býrjýazııaǵa qyzmet etedi», — dedi ol.