Tramp Pýtın men Zelenskııdiń kezdesýin uıymdastyrýǵa daıyndyq bastalǵanyn málimdedi

Foto: AFP/Alessandro Della Valle/Pool/Mikhail Metzel

Ýkraına prezıdenti Vladımır Zelenskıı men birqatar Eýropa memleketteriniń basshylary AQSh prezıdenti Donald Tramppen Aq úıde Ýkraınadaǵy soǵysty aıaqtaý jóninde kelissózder júrgizdi, dep jazdy qandastar.kz

Bul týraly Stan.kz aqparat agenttigi DW.com basylymyna silteme jasap habarlaıdy.

Vladımır Zelenskıı men Donald Tramp Aq úıde baspasóz konferenııasyn ótkizdi. AQSh prezıdenti búgingi kelissózder sátti ótse, Reseı, Ýkraına jáne Amerıka Qurama Shtattarynyń qatysýymen úshjaqty kezdesý ótkizýdi josparlap otyrǵanyn aıtty. Al Ýkraına basshysy soǵys aıaqtalǵan soń saılaý ótkizýge daıyn ekenin jetkizdi.

Memleket jáne úkimet basshylarynyń ortaq brıfınginde Germanııa kanleri Frıdrıh Mer AQSh, Ýkraına jáne Reseı arasyndaǵy úshjaqty kezdesýge deıin atysty toqtatýǵa qol jetkizýge shaqyrdy.

AQSh pen Reseı prezıdentteri Tramp pen Pýtınniń 15 tamyzda Alıaskada ótken kezdesýinen keıin mindetti túrde kelissóz ótkizý kerek boldy.

Zelenskıı jáne eýropalyq kóshbasshylarmen ótken kelissózderden soń Tramp Pýtın men Zelenskııdiń kezdesýine daıyndyq bastalǵanyn, odan keıin óz qatysýymen úshjaqty sammıt ótetinin jarııalady. Mertiń aıtýynsha, Pýtın men Zelenskııdiń kelissózi eki apta ishinde ótýi tıis.

Alaıda Ýkraına beıbit kelissózder júrgizý úshin atysty toqtatýdy talap etpeıdi.

“Eger Ýkraına kezdesý ótkizý úshin qandaı da bir ǵalamdyq, esh shartsyz, ádil talap qoısa, mysaly atysty toqtatýdy talap ete bastasa, Reseı óz tarapynan júz túrli talap qoıady. Sondyqtan meniń oıymsha, eshqandaı shart qoımastan kezdesip, soǵysty aıaqtaý jolynyń qalaı damıtynyn oılasýymyz kerek”, – dedi Ýkraına prezıdenti.

Eske salıyq, buǵan deıin Vladımır Zelenskıı men Donald Tramp Reseı men AQSh sammıtinen keıingi alǵash ret kezdesti.