Qytaıda sel saldarynan 10 adam qaza tapty

Qytaı Halyq Respýblıkasynyń soltústiginde, Ishki Mońǵolııa avtonomııalyq aýdanyndaǵy kempıng aýmaǵynda sel júrgen. Saldarynan 10 adam qaza taýyp, 2 adam iz-túzsiz joǵaldy, dep habarlaıdy Qandastar.kz.

Bul týraly Sınhýa agenttigi jergilikti bılikke silteme jasap málimdedi.

Olardyń dereginshe, oqıǵa 16 tamyzda Baıan-Nýr qalasynyń mańynda bolǵan. Sel júrgennen keıin 13 týrıstpen baılanys úzilgen, olardyń bireýi qutqaryldy.

Izdeý-qutqarý jumystaryna tótenshe jaǵdaı qyzmetteriniń 700-den astam mamany jumyldyrylǵan.