Magıstratýra grantyn ıelengenderdiń tizimi qashan jarııalanatyny belgili boldy

Ǵylym jáne joǵary bilim mınıstrligi 2025-2026 oqý jylyna arnalǵan magıstratýranyń memlekettik bilim berý granttaryn taǵaıyndaý jónindegi respýblıkalyq komıssııanyń jumysy aıaqtalǵanyn habarlady, dep jazdy Qandastar.kz.

Bıyl konkýrsqa qatysý úshin 20 myńnan astam ótinish qabyldandy, bul ótken jylmen salystyrǵanda 5 myńǵa artyq.

«Bolashaq magıstranttar arasynda eń suranysqa ıe bilim berý baǵyttary – «Pedagogıkalyq ǵylymdar», «Aqparattyq-kommýnıkaııalyq tehnologııalar», «Injenerlik, óńdeý jáne qurylys salalary», — dep jazylǵan habarlamada.

Grant taǵaıyndaý konkýrsynyń nátıjeleri 23 tamyz kúni QR Ǵylym jáne joǵary bilim mınıstriniń, QR Ǵylym jáne joǵary bilim mınıstrligi men Ulttyq testileý ortalyǵynyń resmı áleýmettik jelilerinde jarııalanady.