Karına Mamash burynǵy joldasynyń týysyn da sotqa bermek

Foto:: Tengrinews.kz

Áıelin soqqyǵa jyqqany úshin sottalǵan dıplomat Sáken Mamashtyń burynǵy jary Karına Mamash eks-kúıeýiniń týystaryn sotqa beretinin málimdedi, dep habarlaıdy qandastar.kz

Onyń aıtýynsha, olar oǵan jala jaýyp, áleýmettik jelilerde óz kelisiminsiz onyń jáne balalarynyń sýretterin jarııalap júr.

Aikyn.kz jazǵandaı, TikTok-ta jarııalanǵan vıdeoda Sáken Mamashtyń aǵasy Nurjan Mamash Karınaǵa qatysty “jalǵan aıyptaý” úshin aryz túsirgisi kelgenin, alaıda Sákenniń ózi oǵan ruqsat bermegenin aıtqan.

Karına Mamash týystaryna úndeý jasap:

“Qurmetti Nurjan Mamash, meniń atyma aıtylǵan qorlaý men jala jabý – jaı ǵana heıt emes, zańbuzýshylyq. Barlyq materıaldar tirkelip jatyr. Eger bul jalǵasa berse, tıisti organdarǵa júginemin. Sonymen qatar meniń jáne balalarymnyń sýretterin  kelisimimsiz jarııalamaýyńyzdy talap etemin”, – dedi.

Ol sondaı-aq týystarynyń áreketi jaǵdaıdy odan saıyn ýshyqtyryp jatqanyn aıtyp, qajet bolsa, barlyq dálelderdi sotta kórsetýge daıyn ekenin jetkizdi.