Той кезінде ерекше сәт орын алды — қалыңдықтың көз жасына ерік беруіне оның Ресейде тұратын сіңлісінің тосын сыйы себеп болды, деп хабарлады qandastar.kz.
Ұзақ уақыт бойы кездесе алмай жүрген әпкелі-сіңлі екі бойжеткеннің кездесуі тойда орын алып, залдағы қонақтар да бұл көрініске толқып кетті. Қалыңдық сіңлісін көрген сәтте орнынан атып тұрып, құшағына алған.
Куәгерлердің айтуынша, бұл сәт қалыңдықтың ата-анасы мен туыстары үшін де күтпеген қуаныш болған. Сіңлісі той қарсаңында Ресейден ешкімге ескертпей келген.
Кадрлардан қалыңдықтың қуаныштан көзіне жас алғаны, ал айналадағы қонақтардың бұл көрініске риза болғаны байқалады.
Желі қолданушылары видеоға жылы пікірлер қалдырған. «Махаббат пен сағыныштың нағыз көрінісі», «Сіңлісі үлкен сый жасаған екен», «Мұндай сәттер ешқашан ұмытылмайды» деп жазған олар.
